गुहागर, ता. 03 : तालुक्यातील खरे ढेरे भोसले महाविद्यालयाच्या इतिहास विभागामार्फत अण्णाभाऊ साठे जयंती आणि लोकमान्य टिळक यांची पुण्यतिथी साजरी करण्यात आली. यावेळी महाविद्यालयाचे प्रभारी प्राचार्य डॉ. गायकवाड, राज्यशास्त्र विभागाचे प्राध्यापक महाजन, मराठी विभागाचे प्रा. डॉ. लबडे, इतिहास विभागाच्या प्राध्यापिका आर. एस. आडेकर उपस्थित होते.Lokmanya Tilak Death Anniversary in KDB College
महाविद्यालयाच्या प्राध्यापिका सौ. आर. एस. आडेकर यांनी प्रास्ताविकामध्ये राष्ट्रवादाचे जनक लोकमान्य टिळक यांचे भारतीय स्वातंत्र्य लढ्यातील असलेले महत्त्वाचे स्थान, त्यांचे योगदान तसेच लोकशाहीर अण्णाभाऊ साठे यांनी वंचितांसाठी केलेले कार्य आणि मराठी साहित्यिक क्षेत्रातील त्यांचे योगदान थोडक्यात स्पष्ट केले. विद्यार्थी मनोगतामध्ये एफ. वाय. बीए मधील अंतरा असगोलकर हिने लोकमान्य टिळकांचे भारतीय स्वातंत्र्य लढ्यातील योगदान आणि लोकांना एकत्र आणण्यासाठी त्यांनी शिवजयंती आणि गणेशोत्सव सुरू केल्याचे सांगत केसरी आणि मराठा वृत्तपत्रातून ब्रिटिशांच्या धोरणांवर कडाडून टीका करण्याचे कार्य लोकमान्य टिळकांनी केले असे म्हणत,
“पदोपदी पसरून निखारे आपल्याच हाती,
होऊनिया बेभान धावली भारत मातेसाठी,
कधी न थांबले विश्रांतिस्तव पाहिले न मागे,
संघर्षातून विणले त्यांनी स्वातंत्र्याचे धागे…!!” असे म्हणत तिने आपले मनोगत संपवले. Lokmanya Tilak Death Anniversary in KDB College
यानंतर एस. वाय. बीए मधील यश म्हसकर याने लोकमान्य टिळकांनी राजकीय आणि शैक्षणिक क्षेत्रात केलेल्या कार्याबद्दल थोडक्यात माहिती दिली. 1905 ते 1920 या कालखंडामध्ये “स्वदेशी, बहिष्कृत , राष्ट्रीय शिक्षण, आणि स्वराज्य ” या त्यांच्या चतुसूत्रीचा संपूर्ण देशभर प्रचार – प्रसार करण्याचे कार्य त्यांचे सहाय्यक ” लाला लजपतराय, बिपिन चंद्र पाल” यांनी केले त्याचप्रमाणे आजच्या काळात आपणा सर्वांनाच या दोघांचेही विचार प्रेरणादायी आहेत असे सांगितले. Lokmanya Tilak Death Anniversary in KDB College
संयुक्त महाराष्ट्र चळवळीमध्ये बेळगाव आणि कारवार हा सीमाभाग महाराष्ट्रात येऊ शकला नाही. याची सल अण्णा भाऊंना सतत होती. यातूनच ह्या राजकीय छक्कड (लावणीचा प्रकार) चा जन्म झाला ही माहिती देत सुरज पवार, तेजस पवार आणि शुभम कुरधुंडकर या विद्यार्थ्यांनी “माझी मैना गावाकडे राहिली ” ही अण्णाभाऊ साठे यांची राजकीय छक्कड गायली. प्रभारी प्राचार्य डॉ. गायकवाड यांनी ही दोन उत्तुंग व्यक्तिमत्त्व असून प्रेरणादायी असल्याचे सांगून विद्यार्थ्यांनी त्यांच्या कार्याची अधिक माहिती करून घेण्याचे आवाहन केले. Lokmanya Tilak Death Anniversary in KDB College
