ज्येष्ठ साहित्यिक ज्ञानेश्वर झगडे यांचे व्याख्यान

असुर्डे विद्यालयात ‘छप्पर सोन्याचे’ या काव्य संग्रहावर व्याख्यान

गुहागर, ता. 01 : सह्याद्री शिक्षण संस्थेचे वसंत शंकर देसाई माध्यमिक व उच्च माध्यमिक विद्यालय, असुर्डे, आंबतखोल या विद्यालयात स्व. गोविंदरावजी निकम जयंती साजरी करण्यात आली. या महोत्सवानिमित्त व्याख्यानमालेतील चौथे पुष्प गुंफण्यासाठी गुहागर असगोलीचे ज्येष्ठ साहित्यिक श्री. ज्ञानेश्वर झगडे उपस्थित होते. Lectures by senior literati Zagade

यावेळी श्री. ज्ञानेश्वर झगडे यांनी त्यांच्या ‘छप्पर सोन्याचे’ हा काव्य संग्रह तसेच मराठी साहित्यातील सर्व प्रकार यांच्या विषयी सखोल आणि सविस्तर माहिती सांगितली. त्यांनी कथा, कादंबरी, नाटक, कविता, चारोळी, विनोद, चुटके, भारुड, अभंग, भजन इ. मराठी साहित्याचा परिचय करून दिला. तसेच अनेक यशस्वी अपंग व्यक्तींची उदाहरणे सांगून व्यंगावर मात करून यश संपादन करण्याचे आवाहन केले. डॉ. कलाम यांनी गौरव केलेली मनश्री सोमण तसेच श्रीम. गीता, श्री. काटकर यांची प्रेरणादायी उदाहरणे सांगितली. ‘आम्ही कोकणचं राजं’ ‘सावित्रीआई’ ‘पाऊस’ ‘रोहिणी’ ‘छप्पर सोन्याचं’ ‘कारगिल’ ‘स्वच्छता’ ‘बाप’ इत्यादी कवितांचे गायन अत्यंत उत्तम प्रकारे सादर करून सर्व प्रेक्षकांची मने जिंकली. Lectures by senior literati Zagade

या कार्यक्रमात सौ. सुरभी मोहिरे यांनी सर्व उपस्थितांचे स्वागत केले. तर श्री. बी. एस. देसाई यांनी सर्वांचे आभार मानले. यावेळी विद्यालयाचे मुख्याध्यापक श्री. डी. डी. फुटक, विद्यालयातील सर्व शिक्षक, शिक्षकेतर कर्मचारी व विद्यार्थी उपस्थित होते. Lectures by senior literati Zagade