महावितरण कोकण परिमंडलाकडून मानपत्र प्रदान
गुहागर ता. 10 : चिपळूण वरीष्ठ. तंत्रज्ञ शा.का. गुहागर, चिपळूण विभाग येथील श्री. साईनाथ कांबळे हे महावितरण कोकण परिमंडलाकडून देण्यात येणाऱ्या “ऊर्जाभूषण पुरस्कार 2023” चे मानकरी ठरले आहेत. त्याबद्दल त्यांचे सर्व स्तरातून अभिनंदन होत आहे. यावेळी त्यांना मानपत्र प्रदान करण्यात आले. Kamble to receive “Urjabhushan Award 2023”
साईनाथ कांबळे हे सन 2022-23 मध्ये वाहिनी कर्मचारी म्हणून त्यांनी ग्राहकांना गुणवत्तापूर्ण सेवा प्रदान केली, वेळोवेळी रोहित्र आणि विद्युत वाहिन्यांची देखभाल-दुरुस्ती करून वीजपुरवठा सुरळीत ठेवणे, ग्राहकांच्या तक्रारीचे वेळेत निराकरण करणे, वीजदेयकांची नियमित वसुली करणे याकरीता जबाबदारीने आपले कर्तव्य पार पाडत आले. परिणामी महावितरणप्रती ग्राहकांची विश्वासार्हता वाढीस लागली आहे. महावितरण कंपनीच्या ध्येय-धोरणांची अंमलबजावणी करण्यात त्यांनी धडाडीने पुढाकार घेतला आहे. यामुळे ‘कोकण परिमंडळाचा’ राज्यात नावलौकीक वाढविण्यात त्यांचा मोलाचा सहभाग आहे. या गौरवास्पद कार्यामुळे ते “ऊर्जाभूषण पुरस्कार 2023” चे मानकरी ठरले आहेत. Kamble to receive “Urjabhushan Award 2023”
कोकण परिमंडल, मुख्य अभियंता, श्री. परेश रामचंद्र भागवत आपल्या गौरवास्पद कार्यामुळे आपण “ऊर्जाभूषण पुरस्कार 2023” चे मानकरी ठरला आहात. हे मानपत्र प्रदान करताना आम्हाला अतिशय आनंद व अभिमान आहे. आपल्याकडून आगामी काळात अशीच अत्युच्च कामगिरीची अपेक्षा आहे. आपल्या ग्राहकांना दर्जेदार वीजसेवा देऊन राज्य व देशाच्या शाश्वत विकासात योगदान देण्यासाठी महावितरण वचनबद्ध आहे. या वचनपूर्तीसाठी निष्ठापूर्वक, सचोटीने, कौशल्य व सातत्यपूर्ण परिश्रमातून योगदान देणाऱ्या आपल्यासारख्या कार्यकुशल व्यक्तिमत्वाचा सन्मान करण्यासाठीच हा “ऊर्जाभूषण” पुरस्कार…! – श्री. परेश रामचंद्र भागवत, मुख्य अभियंता, कोकण परिमंडल. Kamble to receive “Urjabhushan Award 2023”
