खेड परीक्षा केंद्रावरील परीक्षार्थी पंच स्वप्निल बैकर राज्यात प्रथम
गुहागर, ता. 28 : शहरातील स्नेहल ओक व अडूर गावातील निलेश खेडेकर हे राज्यस्तरीय कबड्डी पंच परीक्षेत उत्तीर्ण झाले आहेत. महाराष्ट्र राज्य कबड्डी असोसिएशन यांच्या माध्यमातून दिनांक २५ सप्टेंबर २०२२ रोजी राज्यस्तरीय पंच परीक्षा घेण्यात आली होती. या परीक्षेचा निकाल नुकताच जाहीर झाला आहे. Kabaddi Panch Exam Result Declared
सदर राज्यस्तरीय पंच परीक्षेत खेड केंद्रातील एकूण २९ परीक्षार्थी उत्तीर्ण झाले आहेत. रत्नागिरी जिल्ह्यात पंच परीक्षेसाठी एकूण चार केंद्र होते. यामध्ये खेड, दापोली, संगमेश्वर व रत्नागिरी अशा चार परीक्षा केंद्राचा समावेश होता. त्यामध्ये खेड परीक्षा केंद्राने राज्यात सर्वाधिक बाजी मारली आहे. Kabaddi Panch Exam Result Declared
यामध्ये गुहागर शहरातील प्रसिद्ध व्यावसायिक चैताली मेडिकलचे मालक अरुण ओक यांची स्नुषा सौ. स्नेहल निखिल ओक तसेच अडूर गावातील श्री विठ्ठलाईदेवी ग्रामविकास मंडळाचे सदस्य निलेश महादेव खेडेकर यांनी या परीक्षेत सुयश प्राप्त केले आहे. याआधी राज्यस्तरीय कबड्डी पंच परीक्षेत गुहागर तालुक्यातून समीर जांगळी, समित घाणेकर यांनी यश मिळविले होते.आता स्नेहल ओक व निलेश खेडेकर यांना यश प्राप्त झाले आहे. त्यांच्या या यशाबद्दल रत्नागिरी जिल्हा व गुहागर तालुका कबड्डी असोसिएशन यांच्या कडून अभिनंदन करण्यात येत आहे. Kabaddi Panch Exam Result Declared
