महावितरण अभियंत्यांकडून शुभेच्छा; वीजबील वसुलीबाबत जनजागृती
गुहागर, ता. 11 : तालुक्यात राष्ट्रीय सुरक्षा दिननिमित्त वायरमन दिवस साजरा करण्यात आला. यावेळी महावितरणमध्ये कार्यरत असलेल्या सर्व वायरमनांचा सन्मान करुन त्यांना महावितरण अभियंत्यांनी शुभेच्छा दिल्या. Honor of Wireman at Guhagar
राष्ट्रीय सुरक्षा दिन देशभर साजरा केला जातो. याचे निमित्त साधून महावितरणमध्ये अहोरात्र जीवाची बाजी लावून वीजेबाबत उद्भवणारी दुरुस्तीची कामे करणाऱ्या वायरमनांचा सन्मान करण्यात आला. यावेळी महावितरण चिपळूणचे विभागीय वित्त व लेखाधिकारी अशोक मोहिते, गुहागरचे उप अभियंता सुनील सूद यांनी सर्व वायरमन कर्मचाऱ्यांना सुरक्षा दिनाचे महत्व व सुरक्षेची माहिती देऊन वीजेबाबत कामे करताना व ती हाताळताना कशाप्रकारे काळजी घ्यायची यावर मार्गदर्शन केले. Honor of Wireman at Guhagar
यावेळी गुहागर महावितरण कार्यालयाचे सहाय्यक अभियंता अल्वीन फर्नांडीस, सहाय्यक अभियंता मंदार शिंदे, रोहित आखाडे, शिल्पा साळवी यांसह तालुक्यातील इतर सहाय्यक अभियंता, वायरमन उपस्थित होते. यानंतर वीजबील वसुलीबाबत सर्वत्र जनजागृती करण्यात आली. Honor of Wireman at Guhagar
