शिष्यवृत्ती परीक्षेत जीवन शिक्षण शाळेचे यश

कु. स्वराज शिंदे गुहागर तालुक्यात प्रथम

गुहागर, ता. 07 : जुलै २०२२ रोजी घेण्यात आलेल्या राज्यस्तरीय पूर्व उच्च प्राथमिक शिष्यवृत्ती परीक्षेचा निकाल तसेच गुणवत्ता यादी जाहीर करण्यात आली. त्यात गुहागर शहरातील जि. प. जीवन शिक्षण शाळा नं. १ शाळेतील तीन विद्यार्थी चमकले आहेत. Guhagar School Success in Scholarship Exam

या शिष्यवृत्ती परीक्षेत कु. स्वराज विक्रम शिंदे याने २७६ गुण मिळवून जिल्हा गुणवत्ता यादीत ६ वा तर गुहागर तालुक्यातून प्रथम क्रमांक पटकावला आहे. कु. सत्यजित जयेंद्र सानप याने २५८ गुण मिळवून जिल्हा गुणवत्ता यादीत १६ वा तर गुहागर तालुक्यातून द्वितीय क्रमांक, व कु.अनिकेत अविनाश सावंत याने २५६ गुण मिळवून जिल्हा गुणवत्ता यादीत १९ वा तर गुहागर तालुक्यातून तृतीय क्रमांक पटकावला आहे. विशेष म्हणजे या तिन्ही विद्यार्थ्यानी नवोदय प्रवेश परीक्षेत देखील अशाच प्रकारे उत्तुंग यश प्राप्त केले होते. तसेच चैतन्य प्रवीण चिमण व प्रसाद महादेव मुरकुटे हे विद्यार्थी उत्तीर्ण झाले आहेत. Guhagar School Success in Scholarship Exam

सर्व यशस्वी विद्यार्थ्यांचे गुहागर तालुक्याचे गटशिक्षणाधिकारी श्रीम. लीना भागवत, विस्ताराधिकारी श्री. गळवे, केंद्रप्रमुख श्री. लोहकरे, शाळा व्यवस्थापन समिती अध्यक्ष श्री. किशोर भागडे, उपाध्यक्षा सौ. सई बावधनकर, स्थानिक प्राधिकरण सदस्या सौ. स्नेहा भागडे शाळा व्यवस्थापन समिती, माता पालक संघ, शिक्षक-पालक संघ मुख्याध्यापक सौ. विद्या हिरवे व सर्व शिक्षक वृंद यांनी अभिनंदन केले. Guhagar School Success in Scholarship Exam