पाच ग्रापंचायतीवर प्रशासक राज ; ग्राम विकास ठप्प
गुहागर, ता. 24 : गुहागर तालुक्यातील 63 पैकी पांच ग्रामपंचायतीची मुदत संपून दिड वर्ष उलटून गेले तरी अद्याप तिथे सार्वत्रिक निवडणुका घेण्यात आलेल्या नाहीत. या ग्रा. पं. वर शासनाने प्रशासक नेमले असून निवडून आलेले सदस्य नसल्यामुळे या ग्रामपचायतीचा विकास ठप्प झाला आहे. Gram Panchayat elections postponed
गुहागर तालुक्यातील वेळंब, चिंद्रावळे, वेलदूर, अंजनवेल व परचुरी या पाच ग्रामपचायतीची मुदत एप्रिल २० २१ ला संपली आहे. मुदत संपल्यानंतर या ग्रा. पं. गुहागर पंचायत समितीचे अधिकारी यांची प्रशासक म्हणून शासनाने नियुक्त्ती केली आहे. या नियुक्तीला सुमारे दिड वर्ष होत आले. तरीही निवडणूका लागलेल्या नाहीत. जिल्हा प्रशासनाने निवडणूका घेण्याचा प्रयत्न केला. परंतु, ओबीसी आरक्षणाचा मुद्दा पुढे आला. हे आरक्षण मिळाल्याशिवाय निवडणूका घेण्यात येऊ नयेत अशी मागणी वाढू लागली. त्यामुळे मध्यंतरी काही दिवसांपूर्वी जाहिर झालेला निवडणूकीचा कार्यक्रम जिल्हा प्रशासनाला पुन्हा स्थगीत करावा लागला. ग्रा.पं. ची प्रभाग रचना जाहिर होऊन आरक्षणा नुसार सदस्य संख्याही जाहिर झाली आहे. Gram Panchayat elections postponed
त्यानंतर मतदार यादीची अंतीम मंजुरी होणे फक्त शिल्लक आहे. परंतू तरीही सतत पडणारा पाऊस व आगामी काळातला गणेशोत्सव झाल्यानंतरच या निवडणूका घेण्यात येण्याचे संकेत मिळाले आहेत. गेली दिड वर्ष ग्रामपंचायतीत सरपंच, उपसरपंच वा सदस्य नसल्यामुळे केवळ प्रशासक व ग्रामसेवक हे कधीतरी कारभाराचा आढावा घेतात. त्यामुळे ग्राम स्तरावर विकासाची अनेक कामे ठप्प झाली आहेत. जबाबदारी कोण घेणार ही भावना सरकारी कर्मचारी यांची असल्यामुळे ग्राम पातळीवर वर्ष दिड वर्ष अनेक महत्वाचे निर्णय प्रलंबीत आहेत. शासनाच्या महत्चाच्या पंधराव्या वित्त आयोगाची कामे प्रलंबीत आहेत. त्यामुळे काही ग्रा. पं. मधून जागरूक ग्रामस्थांनी ग्रा.पं. च्या निवडणुका त्वरीत घेण्याची मागणी शासनाकडे सातत्याने केली आहे. Gram Panchayat elections postponed
गुहागर तावुक्यातील वेळंब, परचुरी, चिंद्रावळे, वेलदूर व अंजनवेल या पाच ग्रा. पं. बरोबरच मुदत संपत आलेल्या आणखी २१ ग्रा. पं. च्या ही निवडणूका एकत्रच होण्याची शक्यता आहे. त्यामध्ये आरे, आवरे असोरे, आबलोली, कोतळूक, कौंढर काळसूर, खोडदे, चिखली, जानवळे, झोंबडी, धोपावे, पाली, पाटपन्हाळे, पांगारी तर्फे हवेली, पोमेंडी, मढाळ, वरवेली, वडद, साखरी त्रिशूळ, हेदवी व जांभारी या २१ ग्रामपचायतीचा समावेश आहे. Gram Panchayat elections postponed
