गुहागर, ता. 18 : राज्यातील विविध जिल्ह्यांतील 7 हजार 751 ग्रामपंचायतींच्या सदस्यपदांसह थेट सरपंचपदाच्या सार्वत्रिक निवडणुकांसाठी प्रत्यक्ष मतदान पार पडले. आपला मतदानाचा अधिकार बजावणे हे लोकशाहीमध्ये महत्वाचे आहे. हे ओळखून चिखलीमधील एका तरुणाने बोहल्यावर चढण्यापूर्वी मुंडावळ्या बांधून थेट मतदानाचा अधिकार बजावला. Gram Panchayat Elections
लोकशाहीत मतदानाला खूप मोठे महत्त्व आहे. मतदान जर आपण केलं तर आपण येणाऱ्या सरकारला किंवा सत्तेवर येणाऱ्या राजकारणाला आपल्या मताचे महत्त्व पटवून सांगू शकतो. यासाठीच मतदानाच्या दिवशी आपलं लग्न असताना सुद्धा पहिलं मतदान मग … लग्न असा निश्चय या युवकानी केला आणि तो लग्न मंडपातून थेट मुंडावळ्या बांधून मतदानाला हजर झाला. Gram Panchayat Elections
गुहागर तालुक्यातील चिखली येथील अभिषेक गोयथळे या युवकाचे रविवारी लग्न होते. लग्नाची धामधूम सुरू असताना आपल्याच गावच्या ग्रामपंचायतीची निवडणूक आहे हे त्याच्या लक्षात आले. त्यासाठी लोकशाहीने दिलेला जो मला अधिकार आहे तो अधिकार बजावण्यासाठी त्यांनी प्रथम लग्नाच्या आधी मतदानाला महत्त्व दिले. अभिषेकने बजावलेल्या मतदानाच्या कर्तव्याचे आज संपूर्ण गुहागर तालुक्यात कौतुक होत आहे. Gram Panchayat Elections
