अंजनवेल व वेलदूर येथे जोरदार संघर्ष

वेळंब, परचुरी बिनविरोध तर चिंद्रावळे सरपंच बिनविरोध

गुहागर, ता.01 : तालुक्यातील सार्वत्रिक ग्रा. पं. निवडणुकीत वेळंब व परचुरी या ग्रामपंचायतीमध्ये सदस्यांसह सरपंच निवडणूक बिनविरोध होणार असल्याचे स्पष्ट झाले आहे. तर चिंद्रावळे ग्रा. पं. चे सरपंच पद ही बिनविरोध झाले आहे. मात्र, अंजनवेल व वेलदूर या दोन मोठ्या ग्रामपंचायतीमध्ये सदस्यांसह सरपंच पदासाठी निवडणूक अटळ आहे. तर अनेक ठिकाणी अटीतटीचा सामना होणार आहे. Gram Panchayat Elections

गुहागर तालुक्यातील वेळंब व परचुरी या दोन ग्रा. पं. मध्ये निवडणुक बिनविरोध झाली आहे. वेळंब येथे तीन प्रभागासाठी नऊ उमेदवार उभे राहिले होते. त्यांच्या विरोधी कुणीही नामांकन न भरल्यामुळे त्यांची उमेदवारी बिनविरोध झाली आहे. त्यांना गावातर्फे पाठिंबा देण्यात आला. सरपंच पदासाठी खुल्या वर्गातून तिघींनी अर्ज भरले होते. त्यापैकी दोघींनी अर्ज मागे घेतले. त्यामुळे समिक्षा बारगोडे सरपंच पदासाठी बिनविरोध निवडून आल्या आहेत. परचुरी ग्रा.पं. च्या तीन प्रभागासाठी एकूण सात उमेदवार निवडून घायचे होते. ग्रामस्थांनी एकत्र बसून हे सात उमेदवार निश्चित केले व त्यांनी आपले उमेदवारी अर्ज दाखल केले. हे सर्व उमेदवार वैध ठरल्याने ते बिनविरोध निवडून आले आहेत. त्यानंतर सरपंच पदावर सौ. प्रतिक्षा प्रदीप भुवड यांना निवडण्यात आले. त्याचप्रमाणे उपसरपंच पदावर अशोक भुवड व संदिप डाफळे यांना संधी देण्याचे एकमताने ठरविण्यात आले. Gram Panchayat Elections

गुहागर तालुक्यातील मोठी ग्रा. पं. असलेल्या वेलदूर व अंजनवेल ग्रा. पं. च्या प्रत्येकी ११ जागांसाठी मोठी अटीतटीची लढत होण्याची शक्यता निर्माण झाली आहे. अंजनवेल ग्रामपचायतीच्या चार प्रभागामध्ये ११ सदस्यांसाठी तेरा अर्ज दाखल झाले आहेत. सरपंच पदासाठी ही दोन उमेवार रिंगणात आहेत. वेलदूर ग्रामपंचायतीमध्ये एकाच जागेसाठी निवडणूक होणार असून त्यासाठी बारा उमेदवार उभे आहेत. तर सरपंच पदासाठी दोन उमेदवार उभे आहेत. चिंद्रावळे ग्रा. पं. मध्ये नऊ पैकी आठ जागा बिनविरोध झाल्या आहेत तर एका जागेसाठी दोन उमेदवार उभे आहेत. असे असले तरी सरपंच पद मात्र बिनविरोध झाले आहे. Gram Panchayat Elections