गुहागर, ता. 06 : तालुक्यातील आबलोली वरची पागडेवाडी विकास मंडळ या कुणबी समाजाच्या विकास मंडळाचा सुवर्ण महोत्सव सोहळा साजरा करण्यात येणार आहे. त्यानिमित्ताने रविवार दि ७ ते १० मे या कालावधीत विविध कार्यक्रम व स्पर्धा घेण्यात येणार आहेत. तरी या कार्यक्रमाचा लाभ सर्वांनी घ्यावा, असे आवाहन आबलोली वरची पागडेवाडी विकास मंडळाच्या वतीने करण्यात आले आहे. Golden Jubilee Ceremony at Aabaloli
सुवर्ण महोत्सव सोहळ्यानिमित्त महिला व पुरुषांच्या क्रिकेट स्पर्धा, महिलांसाठी पैठणी खेळ तसेच लहान व मोठ्या गटात मुले – मुली गोणता उडी, वॉटर रेस, बास्केट बॉल, महिला माहेरवाशिनी आणि मुलींच्या संगीत खुर्चा खेळ घेणयात येणार आहेत. दि. ९ मे रोजी सर्व वयोगटातील व्यक्तींचे सायंकाळी ७.३० वा. रेकॉर्ड डान्स होणार आहेत. दि. १० मे रोजी सकाळी १० वा. श्री सत्यनारायणाची महापूजा, महाआरती, दुपारी २ वा. प्रमूख मान्यवरांची उपस्थिती, स्वागत तसेच नवनिर्वाचित सरपंच, उपसरपंच व सदस्यांचा सत्कार सोहळा, राष्ट्रपतींच्या हस्ते पुरस्कार देऊन गौरवीलेले प्रगतशील शेतकरी श्री. सचिन कारेकर यांचा सत्कार व गुणवंत विद्यार्थांचा गुणगौरव सोहळॎ व बक्षिस वितरण समारंभ, सायंकाळी ४ वा. महिलांसाठी हळदीकुंकू समारंभ, सायंकाळी ७ वा. महाप्रसाद, रात्रौ १० वा. आबलोली वरची पागडेवाडी विकास मंडळाचा बहारदार नमनाचा कार्यक्रम संपन्न होणार आहे. Golden Jubilee Ceremony at Aabaloli
तरी आपण सर्वींनी उपस्थित रहावे, अशी विनंती वरची पागडेवाडी विकास मंडळाचे अध्यक्ष मधुकर गोपाळ पागडे, सेक्रेटरी गोविंद भिकाजी पागडे, उपाध्यक्ष रमेश पागडे, खजिनदार सुर्यकांत पागडे, उपसेक्रेटरी अनिकेत पागडे, उपखजिनदार प्रकाश पागडे यांनी केले आहे. Golden Jubilee Ceremony at Aabaloli
