गुहागर, ता. 03 : जिल्हा परिषद पूर्ण प्राथमिक आदर्श शाळा वेलदुर नवानगर मराठी या शाळेत सावित्रीबाई फुले जयंती निमित्त बालिका दिन मोठ्या उत्साहामध्ये साजरा करण्यात आला. यानिमित्ताने शाळेतील विद्यार्थ्यांच्या वक्तृत्व स्पर्धा घेण्यात आल्या. Girl’s Day celebration in Nawanagar school
कार्यक्रमाची सुरुवात शाळेतील विद्यार्थिनी अंत्रा तुषार पालशेतकर हिच्या हस्ते सावित्रीबाई फुले यांच्या प्रतिमेला पुष्पहार अर्पण करुन करण्यात आली. तर दीप प्रज्वलन विद्यार्थिनी श्रुती समीर वनकर हिच्या हस्ते करण्यात आले. त्यावेळी मुख्याध्यापक मनोज पाटील, शिक्षिका सत्वशीला जगदाळे, पल्लवी घुले अंजली मुद्दमवार व विद्यार्थी उपस्थित होते. Girl’s Day celebration in Nawanagar school
आदर्श शाळा वेलदुर नवानगरमध्ये झालेल्या वक्तृत्व स्पर्धेमध्ये प्रथम क्रमांक राज संदीप वरवटकर यांनी पटकावला. द्वितीय क्रमांक दीप अशोक नाटेकर, तृतीय क्रमांक आर्या पुंडलिक नाटेकर यांनी पटकावला. तर निबंध स्पर्धेमध्ये प्रथम क्रमांक वेदिका राजेंद्र जाधव, द्वितीय क्रमांक स्मित उमेश नाटेकर, तृतीय क्रमांक लवेश शशिकांत नाटेकर यांनी पटकावला.जिल्हा परिषद पूर्ण प्राथमिक डिजिटल व आनंददायी शाळा वेलदूर नवानगरमध्ये विद्यार्थ्यांच्या सर्वांगीण गुणवत्ता वाढीसाठी विविध उपक्रमांचे आयोजन केले जाते. Girl’s Day celebration in Nawanagar school
बालिका दिननिमित्त सत्वशीला जगदाळे, अंजली मुद्दमवार, पल्लवी घुले यांनी मनोगत व्यक्त केले. मनोज पाटील आपले मनोगत व्यक्त करताना म्हणाले की, सावित्रीबाई फुले या पहिल्या महिला शिक्षिका, मुख्याध्यापिका, पहिल्या विचारवंत कवयित्री होत्या. त्यांच्या कार्यापासून आपण प्रेरणा घेतली पाहिजे. शेतातील मातीची पाटी व झाडाच्या फांदीच्या काटकीचा लेखणीचा उपयोग करून सावित्रीबाई फुले यांच्या शिक्षणाचा श्री गणेशा सुरू झाला. सावित्रीबाई फुले यांच्या महिलांबाबतच्या समाज कार्यामुळेच स्त्रिया आज सन्मानाच्या जागेवर विराजमान झालेल्या आहेत. Girl’s Day celebration in Nawanagar school
