गुहागर, ता. 27 : तालुक्यातील एकात्मिक बाल विकास सेवा योजना प्रकल्प, गुहागर अंतर्गत बीट तळवलीमधील तळवली बौद्धवाडी अंगणवाडी केंद्रात ‘नवचेतना’ व ‘आधारशिला’ उपक्रमांतर्गत बालक व पालकांचा स्वागत मेळावा उत्साहात आणि जल्लोषात संपन्न झाला. Gathering of children and parents at Talavali
या कार्यक्रमाचे उद्घाटन एकात्मिक बाल विकास सेवा योजना प्रकल्प, गुहागरच्या पर्यवेक्षिका कांचन गुरव यांच्या हस्ते फीत कापून करण्यात आले. प्रारंभी माता जिजाऊ व क्रांतिज्योती सावित्रीबाई फुले यांच्या प्रतिमांना कांचन गुरव आणि पत्रकार उत्तम पवार यांच्या हस्ते पुष्पहार अर्पण करून अभिवादन करण्यात आले. त्यानंतर अंगणवाडीतील बालक व पालकांचे स्वागत करण्यात आले. ‘नवचेतना’ व ‘आधारशिला’ या उपक्रमांची माहिती देताना कांचन गुरव यांनी पूर्व प्राथमिक शिक्षणाचे महत्त्व, आरोग्य व स्वच्छता तसेच बालकांचा सामाजिक, मानसिक, शारीरिक, बौद्धिक व भाषिक विकास याबाबत मार्गदर्शन केले. बालकांच्या सर्वांगीण विकासासाठी पालकांचा सक्रिय सहभाग अत्यंत महत्त्वाचा असल्याचे त्यांनी सांगितले. Gathering of children and parents at Talavali
अंगणवाडी सेविकांच्या वतीने पर्यवेक्षिका कांचन गुरव, पत्रकार उत्तम पवार तसेच पालकांचे पुष्पगुच्छ देऊन स्वागत करण्यात आले. या कार्यक्रमास तळवली बीटमधील 41 अंगणवाडी केंद्रातील अंगणवाडी सेविका व मदतनीस, पालक तसेच गावातील प्रतिष्ठित ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन अंगणवाडी सेविका मानसी संजय कुळे यांनी केले, तर श्रद्धा बेलवलकर यांनी उपस्थितांचे आभार मानले. Gathering of children and parents at Talavali
