गुहागरमध्ये मोफत आरोग्य शिबीर

व्याडेश्र्वर देवस्थान आणि आयुर्वेद व्यासपीठचा उपक्रम

गुहागर, ता. 30 : श्री देव व्याडेश्र्वर देवस्थान गुहागर येथे आयुर्वेद व्यासपीठ रत्नागिरी जिल्हा शाखेच्या साह्याने तिसऱ्या श्रावण सोमवारी ४ सप्टेंबर २०२३ रोजी मोफत आयुर्वेद आरोग्य चिकित्सा शिबीराचे आयोजन करण्यात आले आहे. Free health camp in Guhagar

या शिबीरामध्ये त्वचाविकार, सांध्यांचे विकार, फुफ्फुसाचे आजार आणि पचनाचे विकार यांची तपासणी केली जाणार आहे. या शिबिरासाठी वैद्य अतिन औताडे, वैद्य अनिकेत गोळे, वैद्य प्रतिक मेहता आणि वैद्य निमिष बापट हे वैद्य चिकित्सक म्हणून उपस्थित राहतील.  चिकित्सेदरम्यान आवश्यक भासल्यास औषधेही मोफत दिली जाणार आहेत. हे शिबीर तिसऱ्या श्रावण सोमवारी, 4 सप्टेंबर 2023 सकाळी 10 ते सायं. 4 या कालावधीत श्री देव व्याडेश्र्वर देवस्थानमधील परशुराम सभागृहात घेण्यात येणार आहे. Free health camp in Guhagar

तरी आयुर्वेद चिकित्सा शिबीराला येणाऱ्यांनी देवस्थानच्या कार्यालयात सकाळी 10 ते सायंकाळी 4 पर्यंतच्या कालावधीत नाव नोंदणी करावी. नाव नोंदणी केलेल्यांना प्राधान्याने तपासले जाईल. असे आवाहन श्री देव व्याडेश्र्वर देवस्थानच्या विश्र्वस्तांनी केले आहे. Free health camp in Guhagar