कठोर परिश्रमालाच यशाची गुरुकिल्ली : सुजाता कांबळे
गुहागर, ता. 01 : आजच्या विद्यार्थ्यांना जीवनात यश मिळवायचे असेल तर कठोर परिश्रमाशिवाय दुसरा कोणताही पर्याय नाही, असे प्रतिपादन श्री देव गोपाळकृष्ण माध्यमिक विद्यामंदिर, गुहागरच्या मुख्याध्यापिका सुजाता कांबळे यांनी केले. गुहागर तालुका ज्ञानरश्मी वाचनालयाच्या वतीने ज्ञानरश्मी वाचनालय सभागृहात आयोजित दहावी व बारावीतील गुणवंत विद्यार्थ्यांच्या सत्कार समारंभात त्या प्रमुख पाहुण्या म्हणून बोलत होत्या. Felicitation by Guhagar Gyanrashmi Library
यावेळी त्या म्हणाल्या की, आज अनेक विद्यार्थी यश मिळविण्यासाठी शॉर्टकटचा अवलंब करताना दिसतात. मात्र, खरे आणि टिकाऊ यश हे मेहनत, सातत्य आणि संघर्षाच्या जोरावरच मिळते. विद्यार्थ्यांनी स्वतःची गुणवत्ता परिश्रमाच्या बळावर सिद्ध करावी, असे आवाहन त्यांनी केले. कार्यक्रमात दहावी व बारावीतील यशस्वी विद्यार्थ्यांचा उपस्थित मान्यवरांच्या हस्ते भेटवस्तू देऊन गौरव करण्यात आला. Felicitation by Guhagar Gyanrashmi Library
यावेळी माजी मुख्याध्यापक सुधाकर कांबळे, कवी ज्ञानेश्वर झगडे, डी. पी. गुरव, प्रभुनाथ देवळेकर, स्वामिनी भोसले, गौरी घाडे, ज्ञानरश्मी वाचनालयाचे कर्मचारी, पालक व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन प्रा. मनाली बावधनकर यांनी केले. Felicitation by Guhagar Gyanrashmi Library
