गुहागर, ता. 29 : गणपती बाप्पा मोरया पुढल्या वर्षी लवकर या, गणपती गेले गावाला चैन पडेना आम्हाला…अशा जयघोषात आणि टाळ मृदुंगाच्या गजरात अनंत चतुर्दशीच्या गणपती बाप्पांना गुहागर तालुक्यात भक्तीभावात निरोप देण्यात आला. तालुक्यात दहा हजारहून अधिक घरगुती गणपतींच्या मुर्तींचे विसर्जन करण्यात आले. Farewell to Bappa on Anant Chaturthi in Guhagar
गेली 10 दिवस तालुक्यातील प्रत्येक घरात गणरायाच्या मूर्तीची प्रतिष्ठापना करण्यात आली होती. घरोघरी मंगलमय वातावरणात बाप्पाची पूजाअर्चा सुरू झाली. गुरुवारी दुपारनंतर दहा दिवसाच्या गणपतींना निरोप देण्यास सुरुवात झाली. अतिशय शांततेत गणपती बाप्पाचे सायंकाळी विसर्जनस्थळी आगमन होत होते. त्याठिकाणी गणपती बाप्पाची पूजाअर्चा आणि आरती करून गणेशमूर्तीचे विसर्जन करण्यात येत होते. नागरिकांनी नद्या नाल्यामध्ये तर काही ठिकाणी समुद्रकिनारी विसर्जन केले. विसर्जनावेळी पावसाचे सावट असल्याने दुपारनंतर अनेकांनी गणपती विसर्जनासाठी बाहेर काढले होते. Farewell to Bappa on Anant Chaturthi in Guhagar
सायंकाळी पावसाने रिमझिम सुरुवात केली होती. मात्र, थोड्यावेळाने पावसाने पाठ फिरवताच गणेश भक्तांच्या आनंदात आणखीनच भर पडली. अनेक भजनी मंडळांनी भजनी व किनाऱ्यावर रिंगण घालून गणपतीच्या गाण्यावर ठेका धरला. गुहागर खालचापाट परिसरात अनेक मोठ्या मुर्त्यांचे विसर्जन करण्यात आले. गुहागर शहरासह असगोली, वरचापाट बाग, आरे, वेलदूर, अंजनवेल, धोपावे, पालशेत, वेळणेश्वर, कोंडकारुळ, बोऱ्या, साखरी आगर, नरवण, तवसाळ या समुद्र किनाऱ्यावर तर कोतळूक, गिमवी, आबलोली, तळवली, वडद, देवघर, झोंबडी, कुटगिरी, पाभरे, मळण, वेलंब, शृंगारतळी, चिखली याठिकाणी नागरिकांनी नद्या – नाल्यामध्ये बाप्पाच्या मुर्तींचे विसर्जन करण्यात आले. Farewell to Bappa on Anant Chaturthi in Guhagar
