गुहागर नगरपंचायत कर्मचाऱ्यांनी काढले बाहेर
गुहागर, ता. 09 : नगरपंचायत कर्मचाऱ्यांनी शहराचा पाणी पुरवठा सुरळीत केल्यानंतर पुन्हा एकदा कौतुकास्पद कामगिरी केली. वरचापाट येथील शेटे यांच्या शौचालयाच्या खड्ड्यात एक बैल पडला. कोणाचीही मदत न घेता एकीच्या बळावर या कर्मचाऱ्यांनी या बैलाला बाहेर काढले. सध्या नगरपंचायतीमध्ये लोकप्रतिनिधी नाहीत. स्वतंत्र मुख्याधिकारी वा जबाबदार प्रशासकीय अधिकारी नाहीत. अशा स्थितीत सामुहिक निर्णय घेऊन त्वरीत अंमलबजावणीचे काम नगरपंचायत कर्मचारी करीत आहेत. म्हणून ते अभिनंदास पात्र आहेत. Excellent performance of Guhagar Nagar Panchayat staff
गुहागर नगरपंचायतीमधील लोकप्रतिनिधींची मुदत एप्रिल महिन्याच्या अखेरीस संपली. नगरपंचायतीवर अद्याप प्रशासकाची नेमणूक झालेली नाही. चिपळूण नगर पालिकेचे मुख्य कार्यकारी अधिकारी प्रसाद शिंगटे यांच्याकडेच गुहागर नगरपंचायतीचा अतिरीक्त पदभार आहे. गुहागर नगरपंचायत क वर्गात मोडत असल्याने येथे सहाय्यक मुख्य कार्यकारी अधिकारी पद नाही. आजपर्यंत प्रशासकीय अधिकारी म्हणून पेढांबकर काम पहात होते. मात्र त्यांचीही रायगड जिल्ह्यात बदली झाली. नवे प्रशासकीय अधिकारी अजुन दाखल झालेले नाही. अशा स्थितीत सध्या गुहागरची नगरपंचायत एका अर्थाने निर्नायकी आहे. मात्र येथील अन्य अधिकारी व कर्मचारी पूर्ण क्षमतेने नगरपंचायतीचा कारभार चालवत आहेत. Excellent performance of Guhagar Nagar Panchayat staff
पाच दिवसांपूर्वी रविवारी (ता. 4) गुहागरला पाणी पुरवठा करणारी विहीर आटली. शहरातील पाणी पुरवठा ठप्प झाला. तातडीने कार्यवाही झाली नसती तर सोमवारी (ता. 5) पाणी आले नसते. मात्र नगरपंचायतीमधील प्रशासन सेवेतील कर्मचारी जनार्दन साटले व सुनील नवजेकर यांनी पाणी पुरवठा विभागातील अनुभवी कर्मचाऱ्यांना सोबत घेवून पाणी प्रश्र्न कसा सोडवायचा याचा निर्णय घेतला. त्यानंतर पाणीपुरवठा व स्वच्छता विभागाच्या कर्मचाऱ्यांनी एकत्रीतपणे पाण्याची समस्या सोडवली. Excellent performance of Guhagar Nagar Panchayat staff
गुरूवारी (ता. 8) वरचापाट येथील शेटे यांच्या घरामागील शौचालयाच्या उघड्या खड्ड्यात एक उनाड सोडलेला बैल पडला. याची माहिती नगरपंचायत कर्मचाऱ्यांपर्यंत पोचली. वास्तविक खासगी मालकाचा बैल, खासगी जागेतील शौचखड्ड्यात पडला होता. तसेच निर्णय घेणारा अधिकारी नगरपंचायतीत नाही. या दोन सबळ गोष्टींच्या आधारे नगरपंचायत कर्मचारी हे काम नाकारु शकले असते. मात्र मुक्या जनावराचा जीव वाचावा म्हणून गुहागर नगरपंचायत प्रशासकीय कर्मचारी सुनील नवजेकर, स्वच्छता विभागातील कर्मचारी मनोज घाडे, आशिष सांगळे, नीलेश मोहिते, अभिजित मोरे, विजय घाणेकर, आशिष मोहिते, कांतिदिप सावंत, जगन्नाथ घोरपडे, राजेंद्र परकर, विकेश जाधव, गणेश पावसकर यांनी या बैलाला वाचविण्याचे निश्चित केले. घाणीने भरलेल्या खड्ड्यात उतरुन बैलाला दोरीने बांधण्यात आले. या दोऱ्या जाड लाकडी काठीत अडकवून सर्वांनी बैलाला बाहेर काढले. खड्ड्यात पडलेला बैल इतका घाबरला होता की खड्ड्यातून बाहेर पडल्यावर हा बैल दोरीसकट पळून गेला. त्यामुळे नगरपंचायत कर्मचाऱ्यांना बैलाच्या कानावरील टॅग वाचून मालकाची ओळख पटवणेही शक्य झाले नाही. Excellent performance of Guhagar Nagar Panchayat staff
