मतदान प्रक्रियेसाठी निवडणूक यंत्रणा सज्ज

गुहागर, ता. 19 : गुहागर विधानसभा मतदार संघासाठी गुहागर, खेड व चिपळूण येथे होणाऱ्या 322 मतदान केंद्रासाठी निवडणूक यंत्र यंत्रणा सज्ज झाली आहेत. तसेच ही प्रक्रिया शांततेत पार पाडण्यासाठी चौक पोलीस बंदोबस्त ठेवण्यात आला आहे. मतदारांना आकर्षित करण्यासाठी विविध ठिकाणी सखी मतदान केंद्र दिव्यांगासाठी विशेष सोयी सुविधा असलेल्या दिव्यांग मतदान केंद्र युवा व आदर्श मतदान केंद्र करून या मतदान केंद्र विशेष सजावट करून मतदारांचे स्वागत करण्यात येणार आहे. Election system ready for voting process

गुहागर विधानसभा मतदारसंघामध्ये एकूण मतदान केंद्रे ३२२ आहेत. यासाठी नेमलेले कर्मचाऱ्यांमध्ये मतदान अधिकारी- १४३६, शिपाई- ३२२,आशा सेविका – ३२२, ⁠स्वयंसेवक – ६४४ वाहन व्यवस्थेमध्ये बस – ४३, मिनीबस – १०, ⁠जीप – ४ , नियुक्त झोनल अधिकारी- ५३ सर्व मतदान अधिकारी मतदान केंद्रासाठी रवाना झाले आहेत. पोलीस बंदोबस्त बाबत गुहागर पोलीस निरीक्षक सचिन सावंत यांनी सांगितले की, केंद्रीय सुरक्षा दलाचे 81 जवान तसेच बाहेरून आलेले 270 होमगार्ड व पोलीस, स्थानिक पोलीस 36 स्थानिक होमगार्ड 44 असे हे तब्बल 431 पोलीस कर्मचारी तैनात राहणार आहेत. Election system ready for voting process

यावर नियंत्रण ठेवण्यासाठी मुख्यालयातून दोन डी वाय एस पी व एपीआय नियुक्त करण्यात आले आहेत. गुहागर मध्ये एकही सेन्सिटिव्ह झोन नसला तरी निवडणूक काळात कोणताही अनुचित प्रकार होऊ नये यासाठी पोलीस यंत्रणा सतर्क असल्याचे सांगितले. Election system ready for voting process