गुहागर, ता. 01 : तळवली रास्त धान्य दुकानामध्ये राज्य शासनाचा आनंदाचा शिधा वाटप शिधापत्रिकाधारकांना करण्यात आला. ऐन दिवाळीच्या तोंडावर शिधापत्रिका धारकांना रास्त धान्य दुकानांमध्ये राज्य शासनाने दिवाळी भेट देण्याची घोषणा केली होती. मात्र सर्व रास्त दुकानांवर ही भेट पोहचण्यास विलंब झाल्याने थोडे उशिराने तिचे वाटप केले जात आहे. Diwali ration distribution at Talwali
यावर्षी प्रथमच शिंदे-फडणवीस सरकारने सर्वसामान्यांची दिवाळी गोड व्हावी, यासाठी रास्त धान्य दुकानांवर केवळ 100 रुपयांमध्ये शिधा वाटप करण्याचे जाहीर केले होते. त्यानुसार ही दिवाळी भेट रास्त धान्य दुकानांमध्ये पोच करण्यात आली आहे. यामध्ये 100 रुपये इतक्या माफक किंमतीत 1 किलो चणाडाळ,1 किलो रवा,1 किलो साखर,1 लीटर पामतेल अशा प्रकारच्या वस्तूंचा आनंदाचा शिधा म्हणून शिधापत्रिकाधारकांना दिला आहे. Diwali ration distribution at Talwali
तळवली येथील रास्त धान्य दुकानावर नुकतेच हा आनंदाचा शिधा शिधापत्रिकाधारकांना वाटप करण्यात आला. यावेळी तळवली रास्त धान्य दुकानचालक गुरुनाथ कारेकर यांनी शिधापत्रिकाधारकांकडे हा आनंदाचा शिधा सुपूर्द केला. राज्यशासनाच्या या दिवाळी भेटीने नागरिकांना एक अनोखी दिवाळी भेट मिळाली आहे. Diwali ration distribution at Talwali
