श्रीमती यमुनाबाई खेर ट्रस्टच्या अमृत महोत्सवी वर्षानिमित्त
रत्नागिरी, ता. 31 : येथील श्रीमती यमुनाबाई खेर ट्रस्टच्या अमृत महोत्सवी वर्षानिमीत्त नेवरे येथे नारळ रोपांचे वाटप करण्यात आले. हा कार्यक्रम नेवरे येथील न्यू इंग्लिश स्कूल व मीनाताई ठाकरे ज्युनिअर कॉलेजमध्ये झाला. Distribution of coconut saplings at Nevare
ट्रस्टच्या अमृत महोत्सवी वर्षानिमीत्त ट्रस्टचे संस्थापक मुंबई राज्याचे पहिले मुख्यमंत्री बाळासाहेब खेर यांचे मुळ गाव नेवरे (ता. जि. रत्नागिरी) हे असल्यामुळे ट्रस्टच्या वतीने नेवरे येथे फळरोप वाटप कार्यक्रमाअंतर्गत नारळ रोपांचे वाटप करण्यात आले. या वेळी ग्रामस्थ व विद्यार्थी यांना शंभर नारळ रोपांचे मोफत वाटप करण्यात आले. कार्यक्रमात माजी कृषीविद्यावेत्ता डॉ. दिलीप नागवेकर यांनी नारळ रोपांची लागवड व निगा या विषयी शास्त्रशुद्ध मार्गदर्शन केले. ट्रस्टचे संस्थापक मुंबई राज्याचे पहिले मुख्यमंत्री बाळासाहेब खेर यांच्या जीवन चरित्राची माहिती प्रा. श्रीमती जयश्री बर्वे यांनी दिली. Distribution of coconut saplings at Nevare
न्यू इंग्लिश स्कूल व मीनाताई ठाकरे ज्युनिअर कॉलेजचे अध्यक्ष, माजी पं. स. सभापती उत्तम मोरे यांच्या अध्यक्षतेखाली झाला. यावेळी यमुनाबाई खेर ट्रस्टचे अध्यक्ष अॅड. संदिप ढवळ, मॅनेजिंग ट्रस्टी, पांडुरंग पेठे, ट्रस्टी बाळकृष्ण शेलार, व्यवस्था समिती अध्यक्ष गजानन चाळके, नेवरे गावचे सरपंच दीपक फणसे, नंदुशेठ खेर तसेच शाळेच्या मुख्याध्यापिका व शिक्षक वृंद, नेवरे गावचे ग्रामस्थ मोठ्या संख्येने उपस्थित होते. हा कार्यक्रम यशस्वी होण्यासाठी माजी सभापती उत्तम मोरे व सरपंच दीपक फणसे, तसेच ग्रामपंचायत सदस्य व ग्रामस्थांचे विशेष सहकार्य मिळाले. Distribution of coconut saplings at Nevare
