गुहागर, ता. 25 : गुहागर तालुका ग्रामपंचायत कर्मचारी संघटनेच्या संयुक्त विद्यमाने शासकीय व निमशासकीय कर्मचाऱ्यांच्या क्रिकेट स्पर्धा पाटपन्हाळे येथील अनंत मैदानात उत्साहात संपन्न झाल्या. या स्पर्धेला विविध विभागांच्या संघटनांनी उत्स्फूर्त प्रतिसाद दिला. Cricket Tournament organized by the Employees’ Union
स्पर्धेमध्ये पोलीस होमगार्ड टीम गुहागर, शिक्षक टीम गुहागर, ग्रामपंचायत अधिकारी चिपळूण, महावितरण टीम गुहागर, कोतवाल संघटना गुहागर, डेटा ऑपरेटर टीम गुहागर, शिक्षक संघटना शृंगारतळी, बँक कर्मचारी संघ, आरोग्य विभाग गुहागर, डॉक्टर 11 गुहागर आणि पंचायत समिती गुहागर या संघांनी सहभाग घेतला होता. या स्पर्धेचे खास वैशिष्ट्ये म्हणजे पंचायत समिती गुहागर संघाचे नेतृत्व तालुक्याचे गटविकास अधिकारी श्री. शेखर भिलारे यांनी केले. त्यांनी स्वतः उत्कृष्ट खेळ करत सामन्यातील उत्कृष्ट क्षेत्ररक्षक पुरस्कार पटकावला. Cricket Tournament organized by the Employees’ Union
चुरशीच्या अंतिम फेरीत डॉक्टर 11 संघाने शानदार कामगिरी करत प्रथम क्रमांक जिंकला. तर पंचायत समिती गुहागर संघाने द्वितीय क्रमांकाचे पारितोषिक पटकावले. तसेच स्पर्धेचा मालिकावीर पुरस्कार डॉ. काळे यांना प्रदान करण्यात आला. स्पर्धेतील उत्कृष्ट फलंदाज अक्षय आणि उत्कृष्ट गोलंदाज सौरभ पटेकर यांना त्यांच्या उल्लेखनीय कामगिरीसाठी चषक देऊन गौरविण्यात आले. ही स्पर्धा केवळ मनोरंजनासाठी नव्हे, तर कर्मचाऱ्यांमध्ये सहकार्याची भावना वाढवण्यासाठी आणि आरोग्य जागरूकता निर्माण करण्यासाठी आयोजित करण्यात आली होती. सातत्याने आपल्या कामात व्यस्त असलेल्या कर्मचाऱ्यांना एकत्र आणल्याबद्दल ग्रामपंचायत कर्मचारी संघटनेचे विशेष आभार गटविकास अधिकारी श्री.शेखर भिलारे यांनी मानले. Cricket Tournament organized by the Employees’ Union
