आमदार जाधव, योजनेचा बोजवारा उडणार
गुहागर, ता. 06 : जलजीवन मिशन मधील कामे ठेकेदारांनी परवान्यांच्या बळावर मिळवून उपठेकेदाराला दिली आहेत. मात्र त्यांना पाणी पुरवठा योजनांच्या कामाचा अनुभव नसल्याने ते कामे रखडवत आहेत. तसेच या योजनांमधुन प्रचंड भ्रष्टाचार होत आहे. त्यामुळे तालुक्यातील जल जीवन मिशन योजनेचा बोजवारा उडणार आहे. असे प्रतिपादन आमदार भास्कर जाधव यांनी केले. ते टंचाई कृती आराखड्याच्या सभेत बोलत होते. Corruption in aquatic work
आमदार जाधव म्हणाले की, गुहागर विधानसभा मतदार संघातील जलजीवन मिशनच्या 104 योजनांसाठी 73 कोटींचा आराखडा मंजूर झाला. मात्र हा आराखडा बनविताना तेथील ग्रामस्थांना विश्र्वासात घेतले गेले नाही. योग्य पध्दतीने सर्वेक्षण झाले नाही. घाई गडबडीत बनविलेल्या आराखड्यात अनेक त्रुटी आहेत. त्यातच ज्या ठेकेदारांची बाजारात २ लाखांचीही किंमत नाही अशा ठेकेदारांनी ही कामे घेतली आहेत. परवान्याच्या बळावर घेतलेली कामे ठेकेदाराने टक्केवारीवर उपठेकेदाराकडे सोपवित आहे. ठेकेदार आणि उपठेकेदारांना पाणी योजनांच्या कामाचा अनुभव नाही. त्यामुळे त्यांच्याकडून कामे रखडवली जात आहेत. जलजीवनमध्ये प्रचंड प्रमाणात भ्रष्टाचार होत आहे. ही परिस्थिती बदलली नाही तर या योजनेचा बोजवारा उडणार हे निश्चित आहे. Corruption in aquatic work
