आज होणार युती

आकाशात पहाता येणार विलक्षण नजारा

गुहागर, ता. 22 :  शुक्र आणि शनी या  दोन ग्रहांची युती आज रविवार दि. २२ जानेवारी २०२३ ला होणार आहे. म्हणजे हे दोन ग्रह एकमेकांच्या एकदम जवळ आलेले दिसतील. अशी माहिती तारांगण चिपळूणचे खगोलप्रेमी दिपक आंबवकर यांनी दिली आहे. Conjunction of Venus & Saturn

ही युती ओळखायची कशी  हे सांगताना दिपक आंबवकर म्हणाले की, रविवारी सायंकाळी सूर्य अस्ताला गेल्यावर ७.१५ नंतर बऱ्यापैकी अंधार पडायला लागलेला असेल. त्या वेळी पश्चिमेला तोंड करून उभे राहिल्यास एक तेजस्वी चांदणी आकाशात दिसेल ती चांदणी म्हणजे शुक्र ग्रह आहे. आणि बरोबर त्याच्या अगदी जवळ वरच्या बाजूला पिवळसर अंधुक एक चांदणी दिसेल ती चांदणी म्हणजे शनी ग्रह असेल. हे ग्रह आपल्याला आकाशात अगदी जवळ आलेले दिसले तरी प्रत्येक्षात मात्र ते एकमेकांपासून कोट्यवधी की.मी. अंतरावर असणार आहेत. Conjunction of Venus & Saturn

२३ जानेवारी म्हणजे लगेचच दुसऱ्या दिवशी बरोबर उलट परिस्थिती दिसणार आहे. ती म्हणजे शनी शुक्राला ओलांडून पश्चिमेकडे गेलेला दिसेल म्हणजे या दिवशी शनी खाली असेल तर त्याच्या बरोबर वरच्या बाजूला शुक्र ग्रह असेल. हे दोन्ही दिवस खगोल निरीक्षकांसाठी खूप महत्वाचे आहेत. या दोनही दिवशी या ग्रहांच्या स्थानात होणारा बदल उघड्या डोळ्यांनी चांदणीच्या स्वरूपात पाहता येणार आहे. Telescope मधून हे दोनही ग्रह एकाच वेळी एकाच लेन्स मधून पाहता येणार आहेत. जास्तीत जास्त विद्यार्थ्यांनी आणि खगोल प्रेमींनी या खगोलीय घटनेचा आनंद घ्यावा. असे आवाहन आंबवकर सरांनी केले आहे. Conjunction of Venus & Saturn