कोकण एलएनजीच्या अधिकऱ्यासह दोन कामगारांचा सामावेश
गुहागर, ता. 11 : तालुक्यातील कोकण एलएनजीमध्ये पॅन्ट्री विभागात सुपरवायझर म्हणून कामाला असलेल्या गितेश मुरटे यानी गळफास लावुन केलेल्या आत्महत्येप्रकरणी कोकण एलएनजीच्या अधिकाऱ्यासमवेत दोन कामगार असे तीघांवर गुहागर पोलिस ठाण्यात गुन्हा दाखल करण्यात आला आहे. ११ नोव्हेंबर २०२४ रोजी सदर घटना घडली होती. Case registered in Gitesh Murte hanging case
तालुक्यातील अंजनवेलमधील कोकण एलएनजीमध्ये आत्महत्या करणारा गितेश विलास मुरटे, वय ३१, मुळ राहणार अंधेरी इस्ट, मुंबई. नोकरीनिमित्त गुहागर बाग येथे भाडयाच्या घरामध्ये रहात होता. दरम्यान ११ नोव्हेंबर २०२४ रोजी त्याने भाडयाच्या खोलीमध्ये गळफास घेऊन आत्महत्या केली होती. याप्रकरणी त्याचा भाऊ श्रीकांत विलास मुरटे याने गुहागर पोलिस ठाण्यात फिर्याद दाखल केली होती. त्यानुसार या घटनेचा पोलिस उपनिरिक्षक सुजित सोनावणे अधिक तपास करत होते. या तपासामधुन मयत गितेश मुरटे याला आत्महत्या करण्यास प्रेरीत केले म्हणून या तीघांवर गुन्हा दाखल करण्यात आला आहे. Case registered in Gitesh Murte hanging case
यामध्ये गुन्हा दाखल करण्यात आलेल्यामधील कोकण एलएनजीमधील अधिकारी कुमार स्वामी बटुला, वय ५३, राहणार आरजीपीपीएल कॉलनी, राहुल रघुनाथ रहाटे, वय ३४, राहणार जानवळे, साहील संतोष महाडीक, वय २५, राहणार पालपेणे यांनी मयत गितेश मुरटे याला शुल्लक कारणावरून तसेच कामाचे प्रेशर टाकून मानसिक त्रास दिल्याने तसेच आरोपी दोन व तीन यांनी मयताला वारंवार उद्धटपणे बोलून आणि स्थानिक राजकारणीद्वारे दबाव टाकून मानसिक त्रास देवून आत्महत्या करण्यास प्रवृत्ती केले. असे नमुद केले आहे. यामध्ये फिर्यादीला भावनिक धमक्या येत होत्या. यामुळे सदर फिर्याद विलंबाने देण्यात आले असल्याचे म्हटले आहे. वरील तीनही आरोपींवर भारतीय न्याय संहिता कलम १०८, ११५ (२), ३ ( ५ ) प्रमाणे गुन्हा दाखल करण्यात आला आहे. Case registered in Gitesh Murte hanging case
