गुहागर, ता. 27 : तालुक्यातील असगोली वरचीवाडी येथे एकता वर्धक मंडळ मुंबई असगोली वरचीवीडी या मंडळाच्या विद्यमाने बुधवार दिनांक 25 डिसेंबर रोजी दुपारी 11 वाजता दिनदर्शिका प्रकाशन सोहळा आयोजित करण्यात आला होता. या कार्यक्रमाला प्रमुख पाहुणे म्हणून माजी नगराध्यक्ष राजेश रामचंद्र बेंडल तसेच कुणबी समाज संघटना गुहागर असगोलीचे अध्यक्ष राजेंद्र अर्जुन भागडे उपस्थित होते. Calendar publication at Asgoli Varchiwadi
नमन लोककला संस्था, भारत या संस्थेच्या वतीने नमन लोककलेचा प्रसार करण्याऱ्या व्यक्‍तींना दरवर्षी पुरस्कार दिले जातात. यावर्षीचा लोककला प्रेरणा पुरस्कार श्री भैरी व्याघ्रांबरी नमन मंडळ व शारदा कलापथक यांचे शाहीर प्रमोद घुमे यांना जाहीर झाला आहे. रविवारी 5 जानेवारीला उद्योगमंत्री उदय सामंत आणि हास्यजत्रा फेम अभिनेते ओंकार भोजने यांच्या हस्ते इंदिरा सांस्कृतिक भवन चिपळूण येथे हा पुरस्कार दिला जाणार आहे. त्याबद्दल एकता वर्धन मंडळातर्फे या मंडळाचे सदस्य असलेल्या प्रमोद घुमे यांचा सत्कार राजेश बेंडल यांच्या हस्ते करण्यात आला. Calendar publication at Asgoli Varchiwadi
यावेळी मनोगत व्यक्त करताना राजेश बेंडल म्हणाले की, एकता वर्धक मंडळ हे दरवर्षी समाजउपयोगी कार्यक्रम व उपक्रम करत असतात. या मंडळाने सलग दुसऱ्या वर्षी दिनदर्शिका प्रकाशित केली आहे. मुंबई आणि असगोलीतील ग्रामस्थांमध्ये समनव्य साधणे, 12 पानांवर जाहीरातींसह विविध प्रकारची माहिती संकलीत करणे, संकलीत झालेली माहिती दिनदर्शिकेत उत्तम प्रकारे छापुन आणणे ही कामे सोपी नाहीत. त्यासाठी एका मोठ्या टीमला जबाबदारी पार पाडावी लागते. नावाप्रमाणेच एकता वर्धक मंडळाने या कामात एकता दाखवली. त्यामुळेच ही दिनदर्शिका आज प्रकाशित होत आहे. त्याबद्दल आपल्या सर्वांचे मी अभिनंदन करतो. गावाचा विकास करताना आपल्याला येणाऱ्या विविध समस्या सोडविण्याचे प्रयत्न मी यापूर्वी केले तसेच पुढेही करत राहीन. आपल्या वाडीला पाण्याची समस्या भेडसावत आहे. मी नगराध्यक्ष असताना गुहागरमधील पाणी पुरवठा अखंडीत रहाण्यासाठी प्रयत्न केले. तसेच प्रयत्न वरच्या वाडीची पाण्याची समस्या सोडविण्यासाठी करेन असा शब्द या निमित्ताने देतो. Calendar publication at Asgoli Varchiwadi
तसेच यावेळी मुंबई मंडळाचे अध्यक्ष संजय घुमे, स्थानिक मंडळाचे अध्यक्ष प्रदिप घुमे, मंडळाचे प्रेरणास्थान सुदाम घुमे, स्थानिक महिला मंडळाच्या अध्यक्षा सौ. प्रियंका राजेश घुमे, कुणबी उन्नती असगोली मंडळाचे अध्यक्ष उमेश कावणकर, कुणबी उन्नती असगोली मंडळाचे माजी सल्लागार श्री. सदानंद घुमे, ग्रामपंचायत असगोलीचे माजी सरपंच पांडुरंग उदेग, श्रीदेव भैरी व्याघ्रांबरी देवस्थान असगोली व कुणबी ऊन्नती मंडळ असगोली चे सल्लागार श्री. गजानन धावडे, असगोली बौध्दवाडीचे ग्रामस्थ दशरथ पवार व मधली वाडीतील ग्रामस्थ संजय घुमे, गुहागर येथील शामकांत आठवले तसेच वाडीतील सर्व ग्रामस्थ व महिला तसेच मुंबई मंडळाचे महिला व पुरुष सभासद उपस्थित होते. या कार्यक्रमाचे सुत्रसंचालन महेश डिंगणकर व प्रमोद घुमे यांनी केले. Calendar publication at Asgoli Varchiwadi
