आधार केंद्रावरही बँक खाते लिंक करण्याची धावपळ
गुहागर, ता. 16 : बहुचर्चित लाडकी बहीण योजनेचे पैसे स्वातंत्र्य दिनाच्या पूर्वसंध्येला शासनाकडून वितरीत करण्यात आले. आणि स्वातंत्र्य दिनाची सुट्टी संपल्यावर आज लाडक्या बहीणींची धावपळ सुरु झाली. अनेक बहिणी पैसे काढण्यासाठी बँकेत आल्या. तर अनेक बहिणींनी दिलेली बँक बदलली होती. काही बहिणींच्या मोबाईलवर बँक खाते आधारला लिंक नसल्याचा संदेश आला. त्यामुळे तीन हजार रुपयांची ओवाळणी घेण्यासाठी बहींणींची धावपळ, पळापळ सुरु झाली आहे. Beloved sister’s crowd in the bank
लाडकी बहीण योजेनेचे जुलै आणि ऑगस्ट महिन्यांचे पैसे बँक खात्यात जमा झाले. त्याची माहिती वेगवेगळ्या माध्यमातून स्वातंत्र्यदिनी लाडक्या बहिणींपर्यंत येऊन धडकली. परंतु 15 ऑगस्टला बँका बंद होत्या. त्यामुळे 16 ऑगस्टला बँक उघडण्यापूर्वीच महिलांनी गर्दी केली होती. या गर्दीमध्ये खात्यावर जमा झालेली रक्कम काढण्यासाठी आलेल्या महिला होत्या. त्याचप्रमाणे आपले पैसे नेमके कोणत्या बँकेत जमा झालेत याची खात्री करण्यासाठी काही महिला आल्या होत्या. तर काही महिला बँक ऑफ इंडियामधील आधार केंद्रावर तसेच गुहागरमधील दुसऱ्या केंद्रावर उभ्या होत्या. Beloved sister’s crowd in the bank
चौकशी केली होती तेव्हा लक्षात आले की, लाडकी बहीण योजेनेचे फॉर्म भरताना, विवाहीत महिलांनी तेथील बँकेचे तपशील आणि आधार कार्ड दिला होता. प्रत्यक्षात त्यांचे पैसे पहिल्यांदा आधार लिंक बँकेत जमा झाले होते. त्यामुळे या विवाहीत पहिली बँक असलेल्या शाखेत चौकशी करण्यासाठी आल्या होत्या. ही खाती विवाहपूर्वीची असल्याने बँककडून पुन्हा केवायसी केल्याशिवाय योजनेचे पैसे मिळू शकत नसल्याने त्यांची केवायसी पूर्ण करण्यासाठी धावपळ सुरु होती. Beloved sister’s crowd in the bank
काही महिलांनी योजनेचे अर्ज भरताना आधार व बँक तपशील दिला. मात्र त्यांचे बँक खाते आधार कार्डाला लिंकच केलेले नव्हते. अशा महिलांनीही आधार केंद्रांवर गर्दी केली होती. गुहागरमधील बँक ऑफ इंडियामध्ये आधार केंद्राची सुविधा असल्याने या बँकेत पैसे काढायला आलेल्या महिला, पैसे जमा झालेत की नाही याची चौकशी करायला आलेल्या महिला व आधार लिंक करण्यासाठी आलेल्या महिला अशा सर्वांनीच गर्दी केली होती. गुहागरच्या पोस्टात, अन्य बँकातही अशीच गर्दी दिसून येत होती. दुसरे आधार केंद्र गुहागरमध्ये चैताली मेडिकलच्या इमारतीत आहे. तेथेही आधार लिंक करण्यासाठी महिलांची गर्दी होती. Beloved sister’s crowd in the bank
योजनेच्या विरोधात झालेला प्रचार, कागदपत्रांची जुळणी करण्यासाठी करावी लागणारी धावपळ. यातून योजनेचे पैसे जमाच झाले नाही तर काय असा विचार. त्यामुळे काही महिलांनी आजपर्यंत लाडकी बहिण योजेनेच फॉर्मच भरले नव्हते. आज शेजारी असलेल्या महिलांचे पैसे जमा झाले म्हटल्यावर या महिलाही आता पळापळ करु लागल्या आहेत. Beloved sister’s crowd in the bank
