बलात्काराच्या गुन्ह्यातील आरोपीची जामीनावर मुक्तता

गुहागर, ता.10 : तालुक्यातील वेळंब येथील सुरज जाधव यांच्याविरुद्ध एका विवाहित महिलेवर बलात्कार केल्याप्रकरणी गुन्हा दाखल होता. जिल्हा न्यायालयाने सूरज जाधव याची जामीन मुक्तता केली आहे. आरोपी तर्फे ॲड. संकेत साळवी व ॲड. अलंकार विखारे यांनी काम पाहिले. Bail release of rape accused

अधिक माहिती अशी की, सूरज जाधव यांच्या विरोधात पोलीस स्थानकात विवाहित महिलेवर बलात्कार केल्याप्रकरणी गंभीर गुन्हा दाखल करण्यात आला होता. सदर आरोपी हा न्यायालयीन कोठडीमध्ये असताना आरोपीतर्फे ॲड. संकेत साळवी व ॲड. अलंकार विखारे यांनी जामीन अर्ज दाखल केला होता. आरोपी व पीडित महिला यांच्यामध्ये प्रेमसंबंध असून त्यांच्याविरुद्ध दाखल केलेला गुन्हा हा चुकीचा आहे. त्यामुळे त्याला जामीनावर मुक्तता करण्याची विनंती जिल्हा न्यायालयामध्ये करण्यात आली होती. जिल्हा न्यायालयाने आरोपीतर्फे वकिलांचा युक्तिवाद विचारात घेऊन तसेच आरोपी हा स्थानिक रहिवासी असल्याने आरोपीला रक्कम रुपये 30 हजार रुपयाच्या जामीनावर मुक्तता करण्याचा आदेश केला. Bail release of rape accused