औद्योगिक सहकारी संस्थेच्या अध्यक्ष पदी अवेरे

उपाध्यक्षपदी ॲड. मयूर कानसे यांची निवड

गुहागर, ता. 16 :  शृंगारतळी येथे महाराष्ट्र शासन खादी ग्रामोद्योग मंडळ संचलित गुहागर तालुका औद्योगिक  बहुउद्देशिय ग्रामीण सहकारी संस्था मर्यादित ही संस्था आहे. या संस्थेच्या अध्यक्ष पदी ॲड. सुशिलजी अवेरे व उपाध्यक्षपदी ॲड. मयूर कानसे यांची निवड सर्व संचालकांच्या वतीने करण्यात आली. Avere President of Industrial Co-operative Society 

या संस्थेची संचालक निवड मागील महिन्यामध्ये पार पडली. या निवडणुकीमध्ये संस्थेचे माजी अध्यक्ष विजय चंद्रकांत लांजेकर व त्यांच्या पत्नी सौ. विभावरी विजय लांजेकर, मंगेश रामदास कोंडविलकर, प्रफुल्ल सुधीर विखारे, सत्यवान दत्ताराम नांदलस्कर, अमीत अनंत अवेरे, किरण गोपाळ अवेरे, मयूर बाळकृष्ण कानसे, संतोष बाळू आग्रे, सौ. शलाका चंद्रकांत काष्टे आणि ॲड. सुशिल अवेरे हे संचालक म्हणून निवडून आले होते. सोमवारी दिनांक १५.०५.२०२३ रोजी सर्व संचालाकांच्या उपस्थितीत अध्यक्ष व उपाध्यक्ष निवडणूक पार पडली. त्यामध्ये एकमताने उपाध्यक्षपदी ॲड. मयूर कानसे यांची तर ॲड. सुशिलजी अवेरे यांची अध्यक्षपदी नेमणूक करण्यात आली. रत्नागिरी जिल्ह्यातून सर्व संचालाकांचे अभिनंदन केले जात आहे. Avere President of Industrial Co-operative Society

यावेळी संस्थेचे सचिव अमित नंदकुमार इंदुलकर उपस्थित होते. निवडणूक अधिकारी म्हणून एकनाथ सुरेश साळुंखे साहेब यांनी काम पाहिले. संस्थेच्या पुढील वाटचालीसाठी सर्व संचालकांना सोबत घेऊन, गुहागर तालुक्यातील अनेक क्षेत्रातील मान्यवर व रत्नागिरी जिल्ह्याचे पालकमंत्री व महाराष्ट्र राज्याचे उद्योग मंत्री उदयजी सामंत यांच्या मार्गदर्शनाखाली काम करणार असल्याचे नूतन अध्यक्ष ॲड. सुशिलजी अवेरे यांनी सांगितले. Avere President of Industrial Co-operative Society