आ. राजन साळवी यांचा उमेदवारी अर्ज दाखल

विधानसभा अध्यक्षपदाच्या निवडणुकीसाठी

लांजा, ता. 02 : राजापूरचे आमदार व शिवसेनेचे उपनेते राजन साळवी यांनी विधानसभेच्या अध्यक्ष पदासाठी आपला उमेदवारी अर्ज दाखल केला आहे.  त्यांचा अर्ज दाखल करताना महविकासआघाडीचे नेते उपस्थित होते. आ. साळवी यांनी अर्ज दाखल केल्याने लांजा-राजापूर कार्यकर्त्यांमध्ये आनंदाचे वातावरण आहे. शिवसेनेकडून विधानसभेसाठी साळवी यांच्या नावाची घोषणा करण्यात आली आहे. त्यामुळे अध्यक्षपदासाठी आता राहुल नार्वेकर विरुद्ध राजन साळवी अशी थेट लढत होणार आहे. Assembly Election

कित्येक वर्षे शिवसेनेशी एकनिष्ठ असलेले आमदार साळवी. हे राज्याच्या राजकारणात एन्ट्री करणार असल्याने खऱ्या शिवसैनिकाला आता न्याय मिळणार असल्याची भावना त्यांच्या समर्थकांकडून व्यक्त होत आहे. गेले अनेक वर्षे राज्याच्या राजकारणापासून दूर राहावं लागलं होतं. मात्र आता विधानसभा अध्यक्षपदासाठी अर्ज दाखल करणाऱ्या आमदार साळवी यांनी समर्थकांच्या आशा पल्लवित केल्या आहेत. Assembly Election