रत्नागिरी, ता. 09 : संगमेश्वर तालुक्यातील पाचंबे येथे गोठ्यावर वीज पडून लागलेल्या आगीत 13 जनावरे जळून मृत्युमुखी पडली आहेत. ही दुदैवी घटना शुक्रवार दि. 8 रोजी रात्री घडली. या आगीमुळे मालकाचे सुमारे 10 लाखांचे नुकसान झाले आहे. Animal deaths due to lightning
जिल्हा प्रशासनाने दिलेल्या माहितीनुसार, शुक्रवार दि. 8 रोजी रात्री संगमेश्वर मधील पाचांबे (नेदरवाडी) येथे वीज पडली. ही वीज नेदरवाडीतील श्री. संजय महिपत जाधव यांच्या मालकीच्या गोठ्यावर पडली. या वीजने गोठ्यात जनावरांसाठी ठेवलेल्या वाळलेल्या चाऱ्याने पेट घेऊन ती आग सगळीकडे पसरली गेली. त्यामुळे गोठ्याला आग लागून गोठ्यातील 13 जनावरे मृत्युमुखी पडली. असे पंचांनी सांगितले आहे. या आगीमुळे मालक श्री. संजय जाधव यांचे सुमारे 10 लाखांचे नुकसान झाले आहे. Animal deaths due to lightning
