विद्यार्थ्यांनी दिला जुन्या आठवणींना उजाळा
गुहागर, ता. 22 : येथील श्रीदेव गोपाळकृष्ण माध्यमिक विद्यामंदिरच्या सन १९८६-८७ दहावीच्या बॅचचे पहिले स्नेहसंमेलन दि. ७ मे रोजी गुहागर बाजारपेठेतील खातू मसाले उद्योजक श्री. शाळिग्राम खातू यांच्या घराच्या वरील हॉलमध्ये मोठ्या उत्साहात पार पडले. या स्नेहसंमलनासाठी विविध ठिकाणाहून २२ माजी विद्यार्थी उपस्थित होते. Alumni Reunion of Guhagar High School
सन १९८६-८७ दहावीच्या बॅचचे पहिलेच स्नेहसंमेलन असल्याने सगळ्यांनी शाळेच्या आठवणींमध्ये, गमती जमती मध्ये दिवस घालवला. पहिलंच गेट टु गेदर असल्यामुळे सर्वांचे औक्षण करून स्वागत केले. खोबऱ्याची अंबावडी आणि कोहळा वडीने सगळ्यांचे तोंड गोड केले. त्यानंतर प्रत्येकाने आपली ओळख – परिचय करून दिला. यावेळी पहिल्यांदाच भेटलेल्या मित्र मैत्रिणी यांनी शाळेच्या आठवणी, किस्से, गमती जमती, नकला, शिक्षकांच्या आठवणी ताज्या केल्या. सगळेजण 35 – 36 वर्षे मागे गेले. अन्नपूर्णा हॉटेलचे मालक श्री. श्यामकांत खातू यांनी सूत्रसंचालन केले. स्नेहसंमेलन सौ. सिध्दी सोहनी, सौ. स्नेहा वरंडे, बापू लोखंडे, हेमचंद्र मोरे, वासुदेव खरे आदींचा समावेश होता. या सगळ्यांनीच आपले गेट टु गेदर यशस्वी होण्यासाठी प्रयत्न केले. Alumni Reunion of Guhagar High School
संध्याकाळी शाळेला व शिक्षकांना भेट दिली . यावेळी आठवण म्हणून दोन सीलिंग फॅन भेट दिले. यावेळी शाळेत सौ. पाटणकर मॅडम, श्री. अशोक आठवले, श्री. अशोक दिक्षित, श्री खवरे सर आणि विद्यमान मुख्याध्यापक श्री. सुधाकर कांबळे उपस्थित होते. यावेळी श्री. प्रल्हाद सोमण आणि सौ. वृषली आठल्ये यांनी आपले मनोगत व्यक्त केले. ज्या शाळेने आणि शिक्षकांनी आम्हाला घडवले त्यांच्या बद्दल बोलताना विनया भावूक झाल्या होत्या. त्यानंतर समुद्रावर सेल्फी पॉईंट जवळ फोटो काढले. वाळूवर चालून मनसोक्त आनंद लुटला. Alumni Reunion of Guhagar High School
