कारवाई केली म्हणून पुन्हा त्याच ठिकाणी टाकला कचरा
गुहागर, ता. 22 : गुहागर नगरपंचायत घरोघरी कचरा संकलनासाठी वाहन व सोबत कर्मचारी पाठवत असताना गुहागर चिपळूण मार्गावर रस्त्याच्या कडेला कचरा टाकणाऱ्या गुहागर आगार कर्मचाऱ्यावर गुहागर नगरपंचायतीने दोनशे रुपये दंडाची कारवाई केली आहे. मात्र या कारवाईमुळे उचलून नेलेला कचरा पुन्हा त्याच ठिकाणी टाकून या कर्मचाऱ्याने आपला मुजोरपणा दाखवला आहे. यामुळे आता गुहागर नगरपंचायत पुढील कोणती कारवाई करते याकडे लक्ष लागले आहे. Action against those who throw garbage on the road
गुहागर चिपळूण मार्गावर समर्थ बैठक यांच्या वतीने स्वच्छता अभियान घेण्यात येते. शहरातील संस्था कॉलेजचे विद्यार्थी यांनी स्वच्छता मोहीम राबवून गुहागर समुद्र किनारे त्याचबरोबर मुख्य रस्ते स्वच्छ केले मात्र बेजबाबदार नागरिकांनी पुन्हा रस्त्याच्या कडेला कचरा टाकण्याची शृंखला सुरूच केली आहे. यामुळे गुहागर नगरपंचायतीने कडक धोरण अवलंबिले आहे. बुधवारी 11:00 वाजताच्या दरम्याने गुहागर आगारातील वाहक म्हणून काम करणारे रमेश ढाले हे खुलेआम रस्त्याच्या कडेला कचरा टाकत होते. कचरा टाकत असताना पकडले गेल्याने गुहागर नगरपंचायतीने त्यांना रुपये 200 दंड लावून कारवाई केली. मात्र या कारवाईने मुजोरपणा दाखवून रमेश ढाले यांनी सायंकाळी 6:00 वाजता दरम्याने घरी नेलेला तो कचरा पुन्हा रस्त्याच्या कडेला आणून टाकला आहे. Action against those who throw garbage on the road
याबाबतची तक्रार गुहागर नगरपंचायतीमध्ये देण्यात आले असून आत्ता यावर गुहागर नगरपंचायत कोणती कारवाई करते याकडे लक्ष लागले आहे. कारवाई झाली म्हणून पुन्हा तोच कचरा आणून रस्त्याच्या कडेला टकणे या मुजोरपणामुळे आत्ता स्वच्छतेमध्ये सहभाग घेणाऱ्या सर्वांसमोरच हे आव्हान बनले आहे. अशा पद्धतीच्या विकृतीवर प्रशासन नक्की कोणती कारवाई करते याकडे लक्ष लागले आहे. Action against those who throw garbage on the road
