लोकनेते स्व.सदानंद आरेकर प्रतिष्ठानचे पुरस्कार जाहीर

प्रथमेश परांजपे व अनुज साळवी यांची पुरस्कारासाठी निवड

गुहागर, ता. 03 : लोकनेते स्व.सदानंद आरेकर प्रतिष्ठान गुहागर संस्थेच्या वतीने यावर्षी पासून स्व.सदानंद गोविंद आरेकर युवा गुहागर आणि स्व. मदनशेठ गोविंद आरेकर गुहागर तालुका क्रिडाभूषण पुरस्कार असे पुरस्कार दिले जाणार आहेत. हे पुरस्कार उद्या दि. ४ फेब्रुवारी रोजी किनारा युवा महोत्सवच्या व्यासपीठावर प्रदान करण्यात येणार आहे, ही माहिती प्रतिष्ठानचे अध्यक्ष साहिल आरेकर यांनी दिली. Aarekar Foundation awards announced

यावर्षी सामाजिक, शैक्षणिक, सांस्कृतिक, आरोग्य याक्षेत्रापैकी उल्लेखनीय कामगिरी करणाऱ्या युवकांमधून श्री. प्रथमेश श्रीपाद परांजपे यांची स्व.सदानंद गोविंद आरेकर युवा गुहागर पुरस्कारासाठी निवड झाली आहे. तर क्रीडा क्षेत्रात उल्लेखनीय कामगिरी करणाऱ्या खेळाडूंपैकी कु.अनुज संदेश साळवी यांची स्व.मदनशेठ गोविंद आरेकर क्रीडाभूषण पुरस्कारासाठी निवड झाली आहे. Aarekar Foundation awards announced

किनारा युवा महोत्सव ही संकल्पनाच मुळात तरुणांच्या कलागुणांना, त्यांच्या मेहनतीला, त्यांच्या कार्याला पाठबळ देण्यासाठी व व्यासपीठ मिळण्यासाठी आहे. याच पार्श्वभूमीवर सामाजिक, शैक्षणिक, आरोग्य, सांस्कृतिक क्षेत्रात उल्लेखनीय कामगिरी करणाऱ्या युवकांनमधून एका युवा चेहऱ्याला स्व.सदानंद गोविंद आरेकर युवा गुहागर पुरस्कार तसेच गुहागर तालुक्यात क्रीडा क्षेत्रात उल्लेखनीय कामगिरी करणाऱ्या खेळाडूला स्व. मदनशेठ गोविंद आरेकर क्रीडा भूषण पुरस्कार देण्यात येणार आहे. Aarekar Foundation awards announced