चिपळूण रेल्वेस्टेशनच्या मागील तिकिट खिडकी सुरू

शौकत मुकादम यांच्या प्रयत्नांना यश

गुहागर, ता. 04 : चिपळूण रेल्वे स्टेशन येथील शहराबाजूकडील तिकिट खिडकी अनेक महिने बंद होती. कोकण रेल्वे अन्याय निवारण समितीचे अध्यक्ष शौकतभाई मुकादम यांनी रेल्वस्टेशनला १५ दिवसापूर्वी भेट देऊन गणेश उत्सवापूर्वी शहरालगतची खिडकी सुरू करावी अशी मागणी केली. याची दखल घेऊन २ सप्टेंबर पासून ती खिडकी सुरू करण्यात आली आहे. त्यामुळे गुहागर तालुका व चिपळूण शहरालगत असलेल्या अनेक गावतील रेल्वे प्रवाशांची व्यवस्था झाली आहे. Ticket window behind Chiplun railway station opens

३ सप्टेंबर रोजी कोकण रेल्वे अन्याय निवारण समिती अध्यक्ष शौकतभाई मुकादम यांनी पुन्हा चिपळूण रेल्वेस्टेशनला भेट देऊन पाहणी करून रेल्वेस्टेशनच्या मागच्या बाजूस प्रशासने समोरील बाजू प्रमाणे सुशोभीकरण करावे, त्याचप्रमाणे रस्त्याचे डांबरीकरण करावे अशी मागणी केली. शहरा लगतची तिकिट खिडकी सुरू केल्याबद्दल रेल्वे प्रशासनाचे व कॉमर्शियल सुपरवायझर खांबे यांचे आभार मानले आहेत. Ticket window behind Chiplun railway station opens