गुहागर, ता. 30 : गुहागर विधानसभा मतदारसंघासाठी झालेल्या छत्रपती शिवाजी महाराज महाराजस्व समाधान शिबीरात वेगवेगळ्या योजनांच्या 3366 लाभधारकांना दाखले, शासकीय योजनांचे मंजुरी पत्र देण्यात आले. यामध्ये 406 महिलांना शेतकरी दर्जा दिल्याचे प्रमाणपत्र देण्यात आले. गावठाणातील नागरिकांना स्वामित्व देण्याची सनद 44 लाभार्थ्यांना देण्यात आली. तर 2 लाभार्थ्यांचे शासकीय जमिनीवरील निवासी अतिक्रमण नियमित करण्यात आले. Maharajswa Samadhan Camp
गुहागरमध्ये झालेल्या समाधान शिबिरात राज्य संचालित शासकीय योजनांच्या मंजुरीचे पत्र 372 लाभार्थींना देण्यात आले. तर 257 लाभार्थ्यांना केंद्र सरकारच्या योजनांच्या लाभ मंजुरीचे पत्र देण्यात आले. 181 ग्रामस्थांना स्थानिक स्वराज्य संस्थेच्या शासकीय योजनांचा लाभ देण्यात आला. तर 1151 लाभार्थ्यांना अन्य योजना, दाखले यांचे वितरण करण्यात आले. तुकडेबंदी कायद्यांच्या अंमलबाजवणीसाठी स्थानिक क्षेत्र घोषणापत्राचे 56 जणांना वितरण करण्यात आले. 632 जमीनधारकांना जीवंत सातबारा मोहीमेअंतर्गत सातबारा देण्यात आला. विधानसभा क्षेत्रातील घरकुल योजनेअंतर्गत विशेष तरतुदीचा लाभ देणारे पत्र 265 ग्रामस्थांना देण्यात आले. अशाप्रकारे 3366 ग्रामस्थांचे समाधान या शिबीरात करण्यात आले. अशी माहिती गुहागरचे तहसीलदार परिक्षित पाटील यांनी दिली. Maharajswa Samadhan Camp
