कोकणातील गरजू विद्यार्थ्यांसाठी शैक्षणिक मदतीचा संकल्प

विद्यादान सहाय्यक मंडळ व विभा अरविंद ग्रंथालयाचा संयुक्त उपक्रम

गुहागर, ता. 21 : विद्यादान सहाय्यक मंडळ आणि विभा अरविंद ग्रंथालय, चिपळूण यांच्या संयुक्त विद्यमाने कोकणातील होतकरू व आर्थिकदृष्ट्या दुर्बल विद्यार्थ्यांना उच्च व व्यावसायिक शिक्षणासाठी मदत करण्याचा महत्त्वपूर्ण संकल्प करण्यात आला. यासंदर्भातील बैठक नुकतीच विभा अरविंद ग्रंथालयाच्या कार्यालयात पार पडली. Educational assistance for needy students in Konkan

या बैठकीला सुप्रसिद्ध त्वचारोगतज्ज्ञ डॉ. यतिन जाधव, डी.बी.जे. महाविद्यालयाचे प्राचार्य डॉ. माधव बापट आणि लायन्स क्लबचे माजी अध्यक्ष चंद्रकांत कुलकर्णी मार्गदर्शक म्हणून उपस्थित होते. शिक्षण हे समाजपरिवर्तनाचे प्रभावी माध्यम असून आर्थिक अडचणींमुळे एकाही विद्यार्थ्याचे शिक्षण थांबू नये, यासाठी समाजातील दानशूर व्यक्ती, संस्था आणि संघटनांनी पुढाकार घ्यावा, असे आवाहन डॉ. जाधव यांनी केले. या उपक्रमांतर्गत शिष्यवृत्ती, शैक्षणिक साहित्य वाटप, करिअर मार्गदर्शन आणि स्पर्धा परीक्षा मार्गदर्शन यांसारखे उपक्रम राबविण्याचा निर्णय घेण्यात आला. बैठकीला सामाजिक कार्यकर्ते अनिल कलकुटकी, डॉ. प्रविण चव्हाण, सई वरवाटकर, पूर्वा करोडे, प्रदीप पवार, सचिन नानिस्कर, सुमित सागवेकर, सिताराम पडते तसेच उद्योजक प्रशांत पाटेकर उपस्थित होते. Educational assistance for needy students in Konkan

गरजू व गुणवंत विद्यार्थ्यांनी शैक्षणिक मदतीसाठी सुमित सागवेकर (मो. ९०८२०८९६२८) किंवा स्मिता मैदनकर (मो. ९७०२९५५४६४) यांच्याशी संपर्क साधावा, असे आवाहन करण्यात आले. अभियांत्रिकी, वैद्यकीय, नर्सिंग, फार्मसी, आयटी तसेच इतर व्यावसायिक शिक्षणासाठी आवश्यक ते सर्वतोपरी सहकार्य केले जाईल, असा विश्वास विद्यादान सहाय्यक मंडळाच्या कोकण चॅप्टरने व्यक्त केला. Educational assistance for needy students in Konkan