कोतळूकमध्ये १२ फुटी अजगराची सुखरूप सुटका

गुहागर, ता. 06 : तालुक्यातील कोतळूक-उदमेवाडी येथील श्री. बलवंत गोडबोले यांच्या बंद घरातील बाथरूममध्ये आढळलेल्या अजगराला आबलोली येथील सर्पमित्र जय काजरोळकर यांनी सुरक्षितपणे पकडून जिवदान दिले. रविवारी सकाळी बंद असलेल्या घराची साफसफाई सुरू असताना सौ. दिपाली सचिन ओक यांच्या निदर्शनास बाथरूममध्ये अजगर आला. त्यांनी तात्काळ वनविभाग तसेच सर्पमित्र जय काजरोळकर यांच्याशी संपर्क साधला. Python safely rescued in Kotaluk

घटनास्थळी पोहोचलेल्या जय काजरोळकर यांनी सुमारे १० ते १२ फूट लांबीचा व अंदाजे १४ ते १५ किलो वजनाचा अजगर कोणतीही इजा न होता सुरक्षितपणे पकडला. त्यानंतर वनविभागाच्या मार्गदर्शनाखाली त्याला नैसर्गिक अधिवासात सोडण्यात येणार असल्याची माहिती देण्यात आली. Python safely rescued in Kotaluk

या बचाव मोहिमेत समीर ओक, संजय बाधावटे, सुनील भेकरे, पराग नार्वेकर, मंदार गुहागरकर, प्रकाश नार्वेकर, अनू आरेकर आणि सौरभ आरेकर यांनी सहकार्य केले. Python safely rescued in Kotaluk