हेदवीत उपसभापती निलेश सुर्वे यांच्या उपस्थितीत पोलिओ डोस

गुहागर, ता. 30 : राष्ट्रीय पल्स पोलिओ लसीकरण मोहिमेनिमित्त प्राथमिक आरोग्य केंद्र हेदवी येथे गुहागर तालुका पंचायत समितीचे उपसभापती निलेश विश्वनाथ सुर्वे यांच्या प्रमुख उपस्थितीत लाभार्थी बालकांना पोलिओ प्रतिबंधक डोस पाजण्यात आला. Polio dose in the presence of Nilesh Surve

यावेळी उपस्थितांना मार्गदर्शन करताना भारत पोलिओमुक्त असला तरी काही देशांमध्ये अजूनही पोलिओचे अस्तित्व असल्याने त्याचा धोका टाळण्यासाठी शासनाकडून दरवर्षी राष्ट्रीय पल्स पोलिओ लसीकरण मोहीम राबविण्यात येते, अशी माहिती देण्यात आली. बालकांच्या आरोग्य सुरक्षेसाठी ही मोहीम अत्यंत महत्त्वाची असल्याचेही यावेळी सांगण्यात आले. Polio dose in the presence of Nilesh Surve

या मोहिमेअंतर्गत राज्यभर २८ जून रोजी आरोग्य विभागाच्या वतीने पोलिओ डोस देण्याचे आयोजन करण्यात आले होते. रत्नागिरी जिल्हा परिषद आरोग्य विभागाच्या नियोजनानुसार गुहागर तालुक्यातही ही मोहीम प्रभावीपणे राबविण्यात आली. Polio dose in the presence of Nilesh Surve

यावेळी प्राथमिक आरोग्य केंद्र हेदवीचे सहाय्यक डॉ. कौशल्य वेल्हाळ, परिचारिका शेलार मॅडम, आशा सेविका सौ. रवीना मोहित, लाभार्थी बालके तसेच त्यांचे पालक उपस्थित होते. कार्यक्रमास उपसभापती निलेश विश्वनाथ सुर्वे यांनी उपस्थिती लावल्याबद्दल प्राथमिक आरोग्य केंद्र हेदवीच्या वतीने त्यांचे आभार मानण्यात आले. Polio dose in the presence of Nilesh Surve