नगरसेविका अनुषा शार्दुल भावे यांच्या प्रयत्नांना यश
गुहागर, ता. 20 : बाजारपेठ नाका ते पोलीस स्टेशन या रस्त्याची अत्यंत दुर्दशा झाली होती. हा रस्ता खड्डेमय तसेच धुळीचे साम्राज्य झाले होते. वाहन चालकांना कसरत करत प्रवास करावा लागत होता अखेर या रस्ता डांबरीकरण कामाला सुरुवात झाली असून यासाठी वार्ड क्रमांक ६ मधील नगरसेविका अनुषा शार्दुल भावे व बाजारपेठ मधील रहिवासी यांना रस्ता डांबरीकरणाच्या प्रयत्नांना यश आले. Asphalting of the Main Road in Guhagar Market
पर्यटनामुळे गुहागर बाजारपेठेतील मुख्य रस्ता हा शहराची आर्थिक आणि सामाजिक जीवनवाहिनी आहे. परंतु, सार्वजनिक बांधकाम विभागाच्या अखत्यारीत येणाऱ्या या रस्त्याचे मागील १० ते १५ वर्षांपासून डांबरीकरण करण्यात झालेले नाही. प्रदीर्घ काळ दुरुस्ती न झाल्यामुळे या रस्त्याची अवस्था सध्या अत्यंत दयनीय झाली होती. जागोजागी
पडलेल्या मोठ्या खड्ड्यांमुळे वाहनचालक, पादचारी आणि स्थानिक व्यापाऱ्यांचे अतोनात हाल होत होते. याबाबत सार्वजनिक बांधकाम विभागामार्फत वेळोवेळी दुरुस्तीचे प्रस्ताव महाराष्ट्र शासनाच्या अर्थसंकल्पात सादर करण्यात आले होते. या प्रस्तावांना शासनाकडून मंजुरी व आवश्यक निधी प्राप्त होत नव्हता. रस्ता खराब असल्यामुळे पावसाळ्यात चिखलाचे साम्राज्य असते, तर उन्हाळ्यात धुळीमुळे आरोग्याचे प्रश्न निर्माण होत आहेत, ज्याचा थेट परिणाम पर्यटनावर होत होता. Asphalting of the Main Road in Guhagar Market
गुहागर नगरपंचायत अनेक वेळा ग्रामस्थांच्या मागणीनुसार या रस्त्यावर पाणी मारत होते. सार्वजनिक बांधकाम विभागामार्फत या रस्त्यापैकी बाजारपेठेतील खराब १५० मीटर लांबीच्या दुरूस्तीचे नियोजन होते. त्यातील केवळ ८० मीटर भागात पेवर ब्लॉक बसवण्याचा निर्णय झाला होता. या कामाला ग्रामस्थांनी आक्षेप घेऊन हा रोड डांबरीकरणच व्हावा अशी मागणी केली होती. यासाठी नगरसेविका अनुषा शार्दुल भावे यांनी सार्वजनिक बांधकाम विभाग कार्यालयात ग्रामस्थांचं आंदोलनाचा इशाराही दिला होता तसेच सार्वजनिक बांधकाम विभाग मंत्री व प्रदेशाध्यक्ष रवींद्र चव्हाण, माजी आमदार डॉ. विनय नातू यांच्याकडे मागणी केली होती. या मागणीनुसार अखेर आज हे काम पूर्णत्वास आले. Asphalting of the Main Road in Guhagar Market
