गुहागर, ता. 13 : शहरातील श्री पूजा रिसोर्ट पाटपन्हाळे चे मालक श्री. राजेंद्र सिताराम आरेंकर यांना स्वराज्य सेवा संघ महाराष्ट्र राज्य यांच्या वतीने आयोजित “राज्यस्तरीय सन्मान २०२६” सोहळ्यात “यशस्वी उद्योजक पुरस्कार” प्रदान करून गौरविण्यात आले. समाजसेवा, जनसेवा तसेच सामाजिक विकासासाठी केलेल्या उल्लेखनीय कार्याची दखल घेत हा सन्मान देण्यात आला. Rajendra Aarekar gets Successful Entrepreneur Award
मा. श्री. राजेंद्र आरेंकर हे महाराष्ट्र साहित्य परिषद अध्यक्ष म्हणून कार्यरत असून, त्यांनी उद्योग क्षेत्रासह सामाजिक कार्यातही महत्त्वपूर्ण योगदान दिले आहे. गोरगरीब जनतेच्या सेवेसाठी सातत्याने कार्यरत राहून त्यांनी समाजात आदर्श व्यक्तिमत्त्व निर्माण केले असल्याचे आयोजकांनी सांगितले. Rajendra Aarekar gets Successful Entrepreneur Award
हा पुरस्कार सोहळा मोठ्या उत्साहात पार पडला. कार्यक्रमास विविध क्षेत्रातील मान्यवर, सामाजिक कार्यकर्ते आणि संघटनेचे पदाधिकारी उपस्थित होते. यावेळी उपस्थितांनी मा. श्री. आरेंकर यांचे अभिनंदन करून पुढील कार्यासाठी शुभेच्छा दिल्या. Rajendra Aarekar gets Successful Entrepreneur Award
