आर्थिक कोंडीने हैराण, कामांचा मात्र वाढता बोजा
गुहागर, ता. 09 : जिल्ह्यातील संगणक परिचलाकांचे वेतन गेले पाच महिने रखडले आहे. नोव्हेंबर 2024 पासून वेतनापासून वंचित असून त्यांची मोठी आर्थिक कोंडी झाली आहे. दुसरीकडे दिवसेंदिवस कामाचा बोजा वाढत असून प्रशासकीय पातळीवरून कामासाठी दबाव आणला जात आहे. त्यामुळे त्यांना आर्थिक कोंडीसह मानसिक त्रासही सहन करावा लागत आहे. Computer operator without salary
रत्नागिरी जिल्ह्यातील 832 ग्रामपंचायतींमध्ये 135 पुरुष तर 277 महिला असे एकूण 412 संगणक परिचालक आहेत. बहुसंख्य संगणक प्रचालक या महिला आहेत. मात्र त्यांचे वेतन अनेक महिने थकविले गेल्याने त्यांची आर्थिक कोंडी होऊन त्यांच्यासमोर कर्जाचा डोंगर उभा राहिला आहे. राज्य शासनाने लाडकी बहीण योजना आणली मात्र यावरच त्यांचे पैसे खर्च होत आहेत दुसरीकडे ग्रामीण भागात काम करणाऱ्या सर्वसामान्य कर्मचाऱ्यांकडे दुर्लक्ष केले आहे. यापैकीच ग्रामपंचायत असणारे संगणक परिचालक आहेत. Computer operator without salary
या संगणक परिचालकांना मासिक 10 हजार वेतन आहे. या वेतन वाढीसाठी त्यांना कित्येक वर्ष झुंजावे लागले. वेतनवाढ काही महिन्यांपूर्वीच झालेली असतानाच दुसरीकडे गेले सहा महिने वेतन रखडवून ठेवण्यात आले आहे. प्रत्येक संगणक परिचारकाकडे दोन ते तीन ग्रामपंचायतींचा कारभार आहे त्यामुळे त्यांचा कामाचा ताण अगोदरच वाढलेला असताना त्यामध्ये तालुका प्रशासनाकडून नवनवीन कामे लादण्याचा प्रकार सुरू आहे. ऍग्रोस्टीकचे कामही संगणक परिचालकांनी प्रामाणिकपणे केले तरीही नोव्हेंबर 2024 पासून एकही वेतन झालेले नाही. Computer operator without salary
संगणक परिचालकांवर शासन व कंपनीकडून वारंवार वेगवेगळ्या प्रकारे होणारा अन्याय सुरूच आहे. कर्मचारी दर्जा व किमान वेतन आणि मासिक २० हजार रुपये मानधन मिळणे या प्रमुख मागण्या आहेत. कित्येक वेळा मोर्चे व आंदोलने झाली. यावर ग्रामविकास मंत्रालय नेहमीच आश्वासने देत आले आहे. मात्र, अद्याप ही आश्वासने पूर्ण केलेली नसल्याने संगणक परिचालकांच्या नोकरीवर मोठा परिणाम होत आहे. Computer operator without salary
