लोकशाही दिनात महामार्गाचा विषय चांगलाच तापला

राष्ट्रीय महामार्गच्या सक्षम अधिकाऱ्यांना दोन दिवसात जनतेसमोर बोलावणार; नायब तहसीलदार

गुहागर, ता. 22 : गुहागर – विजापूर या राष्ट्रीय महामार्गावरील गुहागर शहर नाका ते  शासकीय विश्रामगृह या रहदारीच्या मुख्य मार्गावर पडलेले खड्डे आणि रखडलेल्या कामाबाबत येथील संतप्त ग्रामस्थांनी गुहागरच्या लोकशाही दिनात विचारणा केली. पावसाळ्यापूर्वी राष्ट्रीय महामार्गाचे सक्षम अधिकारी यांच्याशी बोलणे करून येत्या दोन दिवसात त्यांना जनतेसमोर बोलावण्यात येईल, असे आश्वासन नायब तहसीलदार श्रीम. मेहता यांनी उपस्थितीत ग्रामस्थांना दिले. Villagers angry about Guhagar-Bijapur road

या लोकशाही दिनात पराग कांबळे, विशवनाथ रहाटे, अनिल शिंदे, सतीश शेटे, सुमित आठवले, अभिजित मर्दा,  विकास जाधव, अमित जोशी, अरुण भुवड, सखाराम अवेरे आदींनी येत्या 30 एप्रिलच्या आत या मार्गावर पडलेले खड्डे बुजवून चांगले कार्पेट मारून जनतेला रस्ता उपलब्ध करून द्यावा. अन्यथा पुढील आंदोलनाची दिशा निश्चित करावी लागेल, असा इशारा ग्रामस्थांनी दिला. Villagers angry about Guhagar-Bijapur road

या रस्त्याबाबत गुहागर नगरपंचायतीचे प्रशासकीय अधिकारी यांनी ऑगस्ट 2024 ला राष्ट्रीय महामार्ग विभागाला पत्र देण्यात आले आहे. त्यानंतर आठवण म्हणून पुन्हा लेटर देखील देण्यात आल्याचे सांगितले. सदरचा रस्ता सद्या अपघातास कारणीभूत ठरत आहे. दुरावस्था झालेल्या मार्गाची त्वरित दुरुस्ती करून प्रवाशांना दिलासा द्यावा, अशी मागणी करण्यात आली. Villagers angry about Guhagar-Bijapur road