गुगल पे, फोन पे, पेटीएम करायला अडचणी
मुंबई, ता. 27 : देशभरात यूपीआय सेवा अचानक ठप्प झाल्याने युजरकर्त्यांमध्ये खळबळ उडाली आहे. अनेक ठिकाणी वापरकर्त्यांना अडचणी येत आहेत. त्यामुळे सोशल मीडियावर अनेकांनी नाराजी व्यक्त केली आहे. सध्या डिजीटल क्रांतीमुळे प्रत्येक गोष्ट आता ऑनलाईन झाली आहे. नोटाबंदीनंतर देशात यूपीआय पेमेंटवर लोकांचा अधिक भरोसा झाला आहे. या विश्वासामुळेच नागरिक सोबत जास्तीचे पैसे न ठेवता ऑनलाईन पेमेंट करण्याला प्राधान्य देतात. पण ऑनलाईन पेमेंटवर अवलंबून असणाऱ्या अनेक नागरिकांना आता Google Pay, Phone Pay, PayTM करताना अडचणी येत आहेत. पैसेच ट्रान्सफर होत नसल्याने अनेकांचे व्यवहार होऊ शकलेले नाहीत. UPI service stopped across the country
पैसे ट्रान्सफर करत असताना यूपीआय नेटवर्क नसल्याचा मेसेज स्क्रिनवर दिसत आहे. त्यामुळे अनेकांचा हिरमोड झाला आहे. विशेष म्हणजे अनेकांच्या बँक खात्यातून दोन वेळा पैसे कापण्यात आल्याचा देखील दावा काही जणांकडून करण्यात आला आहे. असं झालं असलं तरी युजर्सला नंतर त्यांचे पैसे मिळतील, यात काही शंका नाही. कारण तांत्रिक अडचणींमुळे पैसे कापले गेले, किंवा प्रोसेसिंगमध्ये पैसे अडकले तर ते पैसे 24 तासांत परत बँक खात्यात किंवा समोरच्या व्यक्तिच्या बँक खात्यात जमा होतात. UPI service stopped across the country
असं असलं तरीही सध्याच्या घडीला नागरिकांना याचा त्रास होत असल्याने त्यांच्याकडून नाराजी व्यक्त केली जात आहे. संबंधित समस्या ही सर्वांना सरसकट होताना दिसत नाही. काही जणांचं यूपीआय पेमेंट व्यवस्थितपणे होत आहे. तर काही जणांचं पहिल्या-दुसऱ्या प्रयत्नात युपीआय पेमेंट झालं नाही. असं असलं तरी तिसऱ्या प्रयत्नांत त्यांना पेमेंट करण्यात यश आल्याचं देखील मत अनेकांनी व्यक्त केलं आहे. तर काही जणांना पहिल्याच प्रयत्नात यशस्वी पेमेंट करता आलेलं आहे. अर्थात या तांत्रिक अडचणी आहेत. तांत्रिक गोष्टी दूर होऊन युजर्सला लवकरच या सेवेचा लाभ घेता येईल. UPI service stopped across the country
