गुहागरातून प्रमोद गांधी यांना मनसेकडून उमेदवारी जाहीर

मनसे पदाधिकाऱ्यांकडून फटाक्यांची आतिषबाजी करत केला जल्लोष

गुहागर, ता. 22 : गुहागरातून प्रमोद गांधी यांची गुहागर विधानसभा मतदारसंघासाठी महाराष्ट्र नवनिर्माण सेने कडून उमेदवारी जाहीर झाली असून शृंगारतळी येथील संपर्क कार्यालयासमोर मनसे पदाधिकाऱ्यांकडून फटाक्यांची आतिषबाजी करून जल्लोष करण्यात आला. यावेळी उपजिल्हाध्यक्ष विनोद जानवळकर, तालुकाध्यक्ष सुनील हळदणकर, उपतालुकाध्यक्ष जितेंद्र साळवी, सुनील मूकनाक, निलेश गमरे, सुजित गांधी, मनसे शेतकरी संघटना तालुका अध्यक्ष प्रसाद कुष्टे विवेक जानवळकर उपस्थित होते. Pramod Gandhi announced candidature from MNS

यावेळी बोलताना तालुकाध्यक्ष सुनील हळदणकर यांनी सांगितले की, समाजसेवेची आवड व विकासाचा पाया रचणाऱ्या प्रमोद गांधी यांना उमेदवारी मिळाल्यानंतर संपूर्ण गुहागर विधानसभा क्षेत्रामध्ये आनंदोत्सव साजरा करण्यात येत आहे. गुहागर विधानसभा मतदारसंघांमध्ये मनसेला चांगला प्रतिसाद लाभत असून गुहागर मध्ये परिवर्तन होण्याची वाट लोक पाहत आहेत. निवडणूक म्हटली की, आव्हाने येणारच परंतु आमच्या पाठी राजसाहेब ठाकरे असल्याने आम्हाला कुठल्याही प्रतिस्पर्ध्यकाचे आव्हान कठीण नाही. Pramod Gandhi announced candidature from MNS

विकासाचे मुद्दे घेऊन आम्ही जनतेसमोर जाणार आहोत. गुहागर विधानसभा मतदारसंघात नवनिर्माण करणे हाच आमचा प्रमुख ध्येय आहे. मतदारसंघाचा विकास, स्थानिक युवकांना रोजगार, उत्तम आरोग्य सेवा देण्यासाठी मनसे नेहमीच कटिबद्ध राहील, त्याचबरोबर येथील जनतेने प्रमोद गांधी यांना भरघोस मताने विजयी करून दिल्यास गुहागर विधानसभा क्षेत्राचा नवनिर्माण करण्याचे आश्वासन यावेळी दिले. मनसेचे उमेदवार प्रमोद गांधी यांचे नाव नागरिकांच्या मनात व घराघरात पोहोचले आहे. त्यांनी स्वनिधितून केलेली विकास कामे, गोरगरीब, गरजू यांना केलेली मदत पाहता चांगल्या मताधिक्याने ते निवडून येतील अशी आशा आहे त्यांनी व्यक्त केली. आजपासूनच आम्ही घराघरात गावागावात मनसेचा प्रचार करण्याचे काम करणार आहोत. तसेच मनसेचे उमेदवार प्रमोद गांधी हे असंख्य मनसे कार्यकर्त्यांच्या उपस्थितीत उमेदवारी अर्ज दाखल करणार आहेत. Pramod Gandhi announced candidature from MNS