टाळ मृदुंगानी निघाल्या मिरवणूका
गुहागर, ता. 13 : गुहागर तालुक्यात पाच दिवसांच्या गौरी – गणरायाचे मोठ्या भक्तिभावाने समुद्र किनारी गणपती बाप्पा मोरया.. पुढच्या वर्षी लवकर या.. च्या जयघोषात सायंकाळी उशिरापर्यंत शांततेत विसर्जन करण्यात आले. यासाठी गुहागर समुद्र किनारी नगरपंचायतीने घरातील फुलारसाठी निर्मळ कलश ठेवले होते. तसेच विसर्जनासाठी कोणतीही दुर्घटना घडू नये म्हणून आपले कर्मचारी तैनात ठेवले होते. Immersion of Gauri Ganapati in Guhagar
गुहागर तालुक्यात दरवर्षी गणेशोत्सव सण मोठ्या उत्साहाने साजरा केला जातो. गेले पाच दिवस तालुक्यातील प्रत्येक घरात गणरायाच्या मूर्तीची प्रतिष्ठापना करण्यात आली होती. त्यामुळे तालुक्यात गेली काही दिवस भजन, जाकडी नृत्य व अन्य कार्यक्रमाने वातावरण भक्तीमय झाले होते. या पाच दिवसांच्या गणपतींचे व गौराईचे गुहागर खालचापाट, शहरासह असगोली, वरचापाट बाग, आरे, वेलदूर, अंजनवेल, धोपावे, पालशेत, वेळणेश्वर, साखरी आगर, नरवण, तवसाळ या समुद्र किनाऱ्यावर तर कोतळूक, गिमवी, आबलोली, तळवली, वडद, देवघर, झोंबडी याठिकाणी नागरिकांनी नद्या नाल्यामध्ये बाप्पाचे टाळ मृदुंगाच्या गजरात, तर काहींनी गणपती बाप्पा मोरया…जयघोष करत विसर्जन केले. Immersion of Gauri Ganapati in Guhagar
