गुहागर मनसेतर्फे जिल्हा शल्यचिकित्सक यांना निवेदन

प्रयोगशाळा सहाय्यक किल्लेकर यांची गुहागर येथे पुन्हा बदली करावी

गुहागर, ता. 09 : गुहागर तालुका महाराष्ट्र नवनिर्माण सेनेच्या वतीने प्रयोगशाळा सहाय्यक रणजित किल्लेकर यांची गुहागर येथे पुन्हा बदली करावी या मागणीचे निवेदन मनसेचे उपजिल्हाध्यक्ष विनोद जानवळकर व तालुकाध्यक्ष सुनील हळदणकर यांनी जिल्हा शल्यचिकित्सक यांना दिले. Statement by Guhagar MNS to District Surgeon

बुधवारी जिल्हा शल्यचिकित्सक यांनी गुहागर ग्रामीण रुग्णालयाला भेट दिली. यावेळी मनसेच्यावतीने निवेदन देण्यात आले. या निवेदनात म्हटले आहे की, गुहागर ग्रामीण रुग्णालयातून दापोली उपजिल्हा रुग्णालयात प्रशासकीय बदली झालेले प्रयोगशाळा सहाय्यक रणजित किल्लेकर यांची गुहागर ग्रामीण रुग्णालयात पुन्हा बदली करण्यात यावी. गुहागर ग्रामीण रुग्णालयांमध्ये उत्कृष्ट सेवा देणारे प्रयोगशाळा सहाय्यक रणजित किल्लेकर हे सध्या उपजिल्हा रुग्णालय दापोली येथे सेवा देत आहेत. गुहागर येथे पुन्हा बदली करण्यात यावी अशी मागणी यापूर्वीही  रत्नागिरी जिल्हा रुग्णालयाचे शल्यचिकित्सक यांच्याकडे निवेदनाद्वारे केली होती. मात्र याबाबत कोणतेही कार्यवाही करण्यात आली नाही. Statement by Guhagar MNS to District Surgeon

गुहागर ग्रामीण रुग्णालयामध्ये प्रयोगशाळा सहाय्यक म्हणून पदावर असलेले रणजित किल्लेकर हे गेली १० वर्ष अविरतपणे काम करत होते.  गुहागर हे तालुक्याचे ठिकाण असून मोठ्या प्रमाणात येथे रुग्णांची वर्दळ असते. येथे येणाऱ्या प्रत्येक रुग्णाला प्रयोगशाळा सहाय्यक रणजित किल्लेकर हे सर्व रुग्णांशी उत्तम सुसंवाद साधून सर्व प्रकारच्या वैद्यकीय चाचण्या आणि रुग्णांना आरोग्य सेवेचे मार्गदर्शन आणि आदराची वागणूक देवून वेळोवेळी दिवस रात्र अशी कोणतीही वेळ न पाहता रुग्णांना सेवा देत होते. कोरोना काळात उत्तम आरोग्य सेवा दिली होती. गुहागर तालुक्यातील नागरिकांच्या वतीने त्यांची पुन्हा नियुक्ती ग्रामीण रुग्णालय गुहागर येथे करण्यात यावी, अशी मागणी करण्यात आली आहे. Statement by Guhagar MNS to District Surgeon