उमराठ येथे टिळक पुण्यतिथी आणि अण्णाभाऊ साठे जयंती

गुहागर, ता. 03 : जिल्हा परिषद पूर्ण प्राथमिक शाळा उमराठ नंबर १ या शाळेमध्ये लोकमान्य टिळक यांची पुण्यतिथी आणि लोकशाहीर अण्णाभाऊ साठे यांची जयंती साजरी करण्यात आली. Tilak death anniversary and Annabhau Sathe Jayanti

 यावेळी शाळेतील पदवीधर शिक्षक अनिल अवेरे यांनी सर्वप्रथम  सर्व उपस्थितांचे स्वागत केले.  त्यानंतर शाळेचे मुख्याध्यापक प्रकाश नाटेकर आणि शिक्षक अनिल अवेरे यांनी लोकमान्य टिळक आणि लोकशाहीर अण्णाभाऊ साठे यांच्या प्रतिमेस पुष्पहार अर्पण केला. त्यानंतर विद्यार्थ्यांनी लोकमान्य टिळक आणि लोकशाहीर अण्णाभाऊ साठे यांच्या जीवनकार्याविषयी भाषणे केली.  यामध्ये काही विद्यार्थ्यांनी मराठी,  हिंदी तर कुमार अथर्व गावणंग आणि कुमारी दिक्षा गावणंग या विद्यार्थ्यांनी इंग्रजी मधून भाषण केले. Tilak death anniversary and Annabhau Sathe Jayanti

त्यानंतर शाळेतील उपशिक्षक नाना मोरे आणि अरुण जगताप यांनी दोन्ही नेत्यांच्या जीवनकार्या संदर्भात विद्यार्थ्यांना मार्गदर्शन केले. शाळेचे पदवीधर शिक्षक अनिल अवेरे यांनी भाषण केले.  शेवटी मुख्याध्यापक प्रकाश नाटेकर यांनी दोन्ही नेत्यांच्या जीवन कार्याचा आढावा घेतला आणि सर्वात शेवटी सर्व उपस्थितांचे आभार मानून त्यानंतर नियमित शैक्षणिक कामकाजास सुरुवात झाली. Tilak death anniversary and Annabhau Sathe Jayanti