गुहागर, ता. 03 : लोकसभा निवडणुकीच्या पार्श्वभूमीवर गुहागर पोलिस स्थानकाच्या हद्दीत शृंगारतळी बाजारपेठेत मंगळवारी सायंकाळी रुट मार्च करण्यात आले. लोकसभा निवडणुकीच्या पार्श्वभूमीवर जिल्हा पोलिस दलही सज्ज झाले आहे. पोलिसांकडून शृंगारतळी बाजारपेठेत संचलन करून नागरिकांना निर्भयपणे मतदान करण्याचे आवाहन करण्यात आले. Police route march in the wake of elections
निवडणूक कालावधीत कायदा व सुव्यवस्था अबाधित राहण्यासाठी नागरिकांनी सहकार्य करावे, असेही पोलिसांकडून आवाहन करण्यात आले. पथसंचलनाद्वारे निवडणूक शांततेत पार पाडण्याबाबत आवाहन करण्यात आले. उपविभागीय पोलिस अधिकारी राजमाने नाव, पोलिस स्थानकाचे पोलिस निरीक्षक सचिन सावंत यांच्या नेतृत्वाखाली हे संचलन करण्यात आले. या संचलनात गुहागर पोलिस स्थानकाचे अधिकारी, कर्मचारी,एसआरपीचे अधिकारी व जवान सहभागी झाले होते. Police route march in the wake of elections
