गुहागर, ता. 18 : तालुक्यातील मध्यवर्ती ठिकाणी असलेल्या पाटपन्हाळे कला, वाणिज्य व विज्ञान महाविद्यालयात आय. क्यु. ए. सी. अंतर्गत सांस्कृतिक विभागाच्यावतीने प्राचार्य डॉ. कृष्णाजी शिंधे यांच्या अध्यक्षतेखाली महाराष्ट्राचे पहिले मुख्यमंत्री यशवंतराव चव्हाण यांची जयंती उत्साहात साजरी करण्यात आली. Yashwantrao Chavan Jayanti in Patpanhale College
यावेळी महाविद्यालयाचे प्राचार्य डॉ. कृष्णाजी शिंधे यांच्या हस्ते यशवंतराव चव्हाण यांच्या प्रतिमेला पुष्पमाला अर्पण करण्यात आली. यावेळी राज्यशास्त्र विभाग प्रमुख डॉ. प्रमोद देसाई यांनी यशवंतराव चव्हाण यांच्या अष्टपैलू व्यक्तिमत्वाचा सामाजिक, सांस्कृतिक, राजकीय, साहित्यिक दृष्टीकोणातून थोडक्यात आढावा घेतला. उपस्थित प्राध्यापकवृंद व विद्यार्थी यांना यशवंतराव चव्हाण यांच्या जयंतीच्या हार्दिक शुभेच्छा दिल्या. Yashwantrao Chavan Jayanti in Patpanhale College
या कार्यक्रमाला सांस्कृतिक विभाग प्रमुख डॉ. जालिंदर जाधव, डॉ. प्रमोद देसाई, डॉ. प्रसाद भागवत, डॉ. दिनेश पारखे, प्रा. सौम्या चौघुले, प्रा. कांचन कदम, ग्रंथालय परिचर श्री. परशुराम चव्हाण व महाविद्यालयातील विद्यार्थी मोठ्या संख्येने उपस्थित होते. सदर कार्यक्रमाचे सूत्रसंचालन सांस्कृतिक विभाग प्रमुख डॉ. जालिंदर जाधव यांनी केले तर उपस्थित मान्यवर व विद्यार्थांचे आभार प्रा. कांचन कदम यांनी मानले. Yashwantrao Chavan Jayanti in Patpanhale College