रत्नागिरी प्रादेशिक परिवहन कार्यालयामार्फत विद्यार्थ्यांना मार्गदर्शन
गुहागर, ता. 08 : प्रादेशिक परिवहन रत्नागिरी कार्यालय (आरटीओ कार्यालय) तर्फे रस्ता सुरक्षा सप्ताह कार्यक्रम तालुक्यातील न्यू इंग्लिश स्कूल व कनिष्ठ महाविद्यालय पाटपन्हाळे महाविद्यालयात नुकताच संपन्न झाला. यावेळी पाटपन्हाळे विद्यालयातर्फे प्रादेशिक परिवहन रत्नागिरीचे अधिकारी श्री. लोंढे व श्री. पाटील, सद्गुरु मोटार प्रशिक्षण केंद्र, शृंगारतळीचे मालक व संचालक अमिष कदम, प्रतिनिधी राजू महाडीक व प्राध्यापकवृंद यांचे मुख्याध्यापक व्ही.डी.पाटील यांनी पुष्पगुच्छ देऊन स्वागत केले. Road Safety Week in Patpanhale School
प्रादेशिक परिवहन रत्नागिरी कार्यालयाचे अधिकारी श्री. लोंढे, श्री. पाटील यांनी रस्ता सुरक्षा सप्ताहबाबत मार्गदर्शन करताना रस्ता सुरक्षितेचे नियम, अपघात कमी होण्यासाठी चालकांनी वाहन चालवताना घ्यावयाची काळजी, वाहन चालकांना आवश्यक असणारा वाहन परवाना ( लायसन्स), वाहन चालकांनी करावयाचा हेल्मेटचा वापर, हेल्मेटचे महत्व, वाहनाच्या वेगावर राखावयाचे नियंत्रण व वेगमर्यादा, चालकांनी पाळावयाचे वाहतुकीचे नियम याबाबत न्यू इंग्लिश स्कूल कनिष्ठ महाविद्यालय पाटपन्हाळे विद्यालयातील कनिष्ठ महाविद्यालयीन ( ज्युनिअर कॉलेजच्या ) विद्यार्थ्यांना मार्गदर्शन केले. सदरच्या कार्यक्रमासाठी रत्नागिरी प्रादेशिक परिवहन कार्यालय (आरटीओ कार्यालय ) तर्फे चांगले सहकार्य लाभले. Road Safety Week in Patpanhale School
यावेळी मुख्याध्यापक व्ही.डी. पाटील, प्रा. जी. डी. नेरले, प्रा. एस.एस. मोरे हे उपस्थित होते. कनिष्ठ महाविद्यालयीन (ज्युनिअर कॉलेज ) विद्यार्थ्यांना वाहन चालवताना घ्यावयाची काळजी, वाहन चालवण्यासाठी आवश्यक असणारा परवाना (लायसन्स ), रस्ता सुरक्षितेचे नियम, हेल्मटचे महत्त्व याबाबत प्रादेशिक कार्यालय रत्नागिरीतर्फे चांगली माहिती मिळाली, अशी अनेक विद्यार्थ्यांनी प्रतिक्रिया व्यक्त केली. कनिष्ठ महाविद्यालयीन विद्यार्थ्यांचे सदर कार्यक्रमासाठी सहकार्य लाभले. Road Safety Week in Patpanhale School