गुहागर हायस्कूलची कार्तिकी भोसले घोषवाक्य स्पर्धेत प्रथम

गुहागर, ता. 12 : गुहागर तालुका मुख्याध्यापक संघातर्फे जामसूत हायस्कूल येथे दि. ११ / १० / २०२३ रोजी तालुकास्तरीय घोषवाक्य स्पर्धा आयोजित करण्यात आली होती. या स्पर्धेत श्री देव गो कॄ माध्यमिक विद्यामंदिर व कनिष्ठ महाविद्यालय गुहागर या विद्यालयाने घवघवीत यश संपादन केले. Kartiki Bhosle first in Slogan Competition

ही स्पर्धा प्राथमिक, माध्यमिक व उच्च माध्यमिक गटात घेण्यात आली होती. प्राथमिक गटात कु कार्तिकी सुनिल भोसले हिने प्रथम क्रमांक पटकावला.  माध्यमिक गटात कु भक्ती भुलेश्वर रोहिलकर तर उच्च माध्यमिक गटात कु सोहम प्रमोद रावणंग यांना सहभाग प्रमाणपत्र देण्यात आले. विद्यालयाच्या या यशस्वी विद्यार्थिनीचे व सहभागी विद्यार्थ्याचे गुहागर एज्युकेशन सोसायटीचे CEO व शाळा समिती अध्यक्ष मा श्री दिपक कनगुटकर साहेब, मा मुख्याध्यापक श्री एस एस कांबळे सर, पर्यवेक्षिका सौ एस एस कांबळे मॅडम, श्री एम एस गंगावणे सर यांनी कौतुक व अभिनंदन केले. तसेच संस्था व शाळेच्या वतीने  मार्गदर्शक शिक्षकांचे अभिनंदन करण्यात आले. Kartiki Bhosle first in Slogan Competition